Read Kissi Condii lisai 136 Bible Online

Condii lisai 136 - Kissi bible

Condii lisai 136

¹La lisa Mɛlɛka, kani o naŋ, kani kaola ndɔɔ nɔ lamɛɛlu le.

²La mel Hala halaa kpow balika, kani kaola ndɔɔ nɔ lamɛɛlu le.

³La mel Vana bɛndu vanaa bɛndua kpow balika, kani kaola ndɔɔ nɔ lamɛɛlu le.

⁴O tosà dɛnnda kaamaala bɛndulan ndu pilɛ kpé-o, kani kaola ndɔɔ nɔ lamɛɛlu le.

⁵O cɔ́w halataalaa a kɔlkaloo-o, kani kaola ndɔɔ nɔ lamɛɛlu le.

⁶O pɛngɛla lɛŋnden o mɛnndan coo-o, kani kaola ndɔɔ nɔ lamɛɛlu le.

⁷O cɔ́w ɲɛm pangelen bɛndon-ndo, kani kaola ndɔɔ nɔ lamɛɛlu le.

⁸O toosiaa paalen le ɲɔɔ teengiaa ipala-o, kani kaola ndɔɔ nɔ lamɛɛlu le.

⁹O toosiaa loeon le ɲɔɔ teengiaa icɔl-lo, kani kaola ndɔɔ nɔ lamɛɛlu le.

¹⁰O diw poaa tasea Esiptea-o, kani kaola ndɔɔ nɔ lamɛɛlu le.

¹¹O soli Israɛlla nda tɛɛn-ndo, kani kaola ndɔɔ nɔ lamɛɛlu le.

¹²A kpaayaa ndɔɔ a á yoomuma ndɔan o soli nda ni, kani kaola ndɔɔ nɔ lamɛɛlu le.

¹³O sɛi mɛmma ihɛlma makpɛ̀ndɛ̀an tɛɛn-ndo, kani kaola ndɔɔ nɔ lamɛɛlu le.

¹⁴Mó keeku Israɛlla tɛɛn-ndo, kani kaola ndɔɔ nɔ lamɛɛlu le.

¹⁵Mó miisuu masaa Esipte a vanaa ndɔa cɔwva lenin-ndo, kani kaola ndɔɔ nɔ lamɛɛlu le.

¹⁶O yɛɛ vanaa ndɔa o lɛŋnde veselɛilen nin-ndo, kani kaola ndɔɔ nɔ lamɛɛlu le.

¹⁷O lɔɔ masaa tɔ́ɔ́ bɛndua-o, kani kaola ndɔɔ nɔ lamɛɛlu le.

¹⁸O lɔɔ masaa kpaayaa-o, kani kaola ndɔɔ nɔ lamɛɛlu le.

¹⁹Sihon, masa Amoriia, kani kaola ndɔɔ nɔ lamɛɛlu le,

²⁰a Ɔk va masaa Basan-ndo, kani kaola ndɔɔ nɔ lamɛɛlu le.

²¹Mó siinguu lɛŋii ndɛi kɛ́ɔ, kani kaola ndɔɔ nɔ lamɛɛlu le.

²²Kɛ́ɔ le Israɛlla, vanaa baalaa ndɔa, kani kaola ndɔɔ nɔ lamɛɛlu le.

²³Mó yiyan naa coo telen vannda va naa saangiaa-o, kani kaola ndɔɔ nɔ lamɛɛlu le.

²⁴Mó soli naa yaamɔaa naa o ba, kani kaola ndɔɔ nɔ lamɛɛlu le.

²⁵Mó ke ɲɛm o cɔw-von kpow yoomoo-o, kani kaola ndɔɔ nɔ lamɛɛlu le.

²⁶La mel Mɛlɛka co o halataalaa-o balika, kani kaola ndɔɔ nɔ lamɛɛlu le.