Read Kissi Condii lisai 14 Bible Online

Condii lisai 14 - Kissi bible

Condii lisai 14

¹Condii David-e, í fula o condun simlacinɔ vanaa n'condua nin-nde. Diɔmnda co dimio o kɔlta ndalan nin aa: «Hala co le!»[2] A laasian kpede, à luei balan o dɛnnda nɔɔlɛilan nin. Vana pilɛ bɛɛ co dɛnɛ kɛndɛ tosa o nda tɛɛn te.

²Mɛlɛka co o halataala mò va tundɔnndo, le vanndacieea mɛɛndanndo lɛŋ, le sinaa te vana pum nɔ pɛ taasio, mó va ndu Hala nuwviaa.

³Kɛ nda kpow a mal nɛiyo, nda kpede a laasian latulu. Vana-vana co dɛnɛ kɛndɛ tosa le. O pilɛ bɛɛ!

⁴Mɛlɛka dimi aa: «Vanaa co dɛnnda vɔɔnda lan tosaa-a kpow a nɔ sinapɛngu le, à co kan yungu nuu dioo mɛɛ vana dia baloo nuaa yɛ-a pɛɛn. À co ya Mɛlɛka piɛi le.»

⁵Kɛ tuma Hala cɔmnunnin vanaa sandaa tɛɛn-ndo, siòònde biinin nda, mà ɲiiya.

⁶La co tuula vanaa co o sangaa nin-nda tɛɛmbuuo, kɛ siɛmbulan la biinin niaa, kani Mɛlɛka co nɛɛ viannannda le nda ni.

⁷Kpòkóó! Màá cindaa fula Siɔn le Israɛl telen Mɛlɛka solinin vanaa ndɔa o cɛlen nin-ndo fɔ́! Yakɔb vanin a kɔlkɛndɔɔ, mì Israɛl dɔwnun ɲaale.