Read Kissi Condii lisai 142 Bible Online

Condii lisai 142 - Kissi bible

Condii lisai 142

¹Condii fula o condun David-on nin-nde. Piɛile o piɛi telen o va o buululan nin-nden.

²I co diomndo heeloo le Mɛlɛka cɛɛŋɔnndo o lani, i co diomndo heeloo le ndu tɛɛlɔnndo.

³I co ndu cɛɛŋɔnnda nilan cɔmndo, i cɔm ndu mɔnɛi ya co nin-nde.

⁴Te sangaa komal-la pɛ, nɔm Mɛlɛka sina nɛila ya kela coo lan. Vannda cii ya yaŋɔɔ o nɛila ya co kelaa lan coo.

⁵Tofa vɔ ya o ba kɛndɔɔ coo, mà ce. Vana-vana co ya mulul te, i nɔ nɛɛ viannan te, vana-vana co buulan le yoomu nuu le.

⁶Nɔm Mɛlɛka ya co veeloo ho, mì va dimio ni aa: «Nɔm co nɛɛ nia viannannda ni, nɔm co o nuu o lɛŋnde naa n co len yoomu len coo ni.»

⁷Tuei cɛɛŋɔnnda nilan, kani i nɔ mayoomu le. Baŋa ya vanaa co ya delɔɔ coo-a o ba, kani a hiow ya kpaayaa.

⁸Soli ya o kaasoo ho, mì mel nɔm balika. Vanaa sandaa balunin ya telen n tosalnin ya kɛndɛi-yo.