Read Kissi Condii lisai 2 Bible Online

Condii lisai 2 - Kissi bible

Condii lisai 2

¹Le yɛɛ vanaa-mangalaa-isɔɔa co yɛ vɔkɔ-vɔkɔɔ ho? Le yɛɛ vanndacieea co yɛ dúmbúlan yiiyo fondo fúú?

²Le yɛɛ masaa lelɛŋnda co yɛ cɔnɔnndo nda simlacia, má va dúmbúlan yiiyo nda ndaa le Mɛlɛka a vana o pɔla-o cɔlɔbaa?

³A co dimio aa: «N fulan o cɛle ndalen bɛngu, mì n kɛɛnun delɔɔcoo ndaa few-few!»

⁴Kɛ Vana co icali o halataala-o co nda mamɔɔ, Maalii co nda mamɔɔ ciki-ciki.

⁵O co nda sɔɛi a kɔltuwvo, o mingi nda kɔltan yulan-yulan a hiilɛi ndɔɛi.

⁶O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

⁷I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

⁸Ɲuna ya, mì yɔngu nɔm vanaa-mangalaa-isɔɔa kpede kɛ́ɔ, mì ke nɔm lɛŋnden háá o mɛɛlula ndɔlan, mì le va ɲɛ nɔm pɛ́-pɛ́.

⁹Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

¹⁰Lelan, niaa masaa, la sɔlà taasio. Niaa vanaa kialaa n'yamaa lelɛŋnda, la nuwviaa dɛnɛ sinaa.

¹¹La tosal Mɛlɛka baalaa a siòònde, mì la tuisin ndu o labɛngunin.

¹²La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!