Read Kissi Condii lisai 24 Bible Online

Condii lisai 24 - Kissi bible

Condii lisai 24

¹Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

²Ndu cɔw ceendo o mɛmma bɛnduan coo ni, ndu simi ndu o peelan coo ni.

³Nɛ̀ɛ́ tiw yɛnin ba helɔɔ o pembii Mɛlɛka-e coo? Nɛ̀ɛ́ nɔla yɛnin simndan o Cɛin ndɔ diandaa nin?

⁴Fɔ vana tɛɛmbuu isɔɔ loo, vana dendu kɔllo-o, ó luei o dɛnnda lacòòvaalan nin too, ó mɛnan mɛnan lacòòva loo.

⁵Vana kon sɔlanin duaa fulaa Mɛlɛka o ba, mì Hala vana ciindiaa ndɔɔ tosal ndu dɛnɛ sandaa.

⁶Lende vanaa lo o lediom coo a nɔm-nda co ni, vanaa co nɔm Hala nuwviaa-a pɛɛn. Cuavaa Yakɔb-a kpeekpeiya co kan ni.

⁷Niaa diola luɛyaalan, la kumbi koŋnda niaalan, niaa diola fɛɛn-fɛɛnndan, la kumbin mì Masa tɔ́ɔ́ bɛndoo luɛi.

⁸Nɛ̀ɛ́ co yɛ Masa tɔ́ɔ́ bɛndu kon? Ndu co Mɛlɛka ni, ó nɔ yoomuan a bɛmɛi-yo, Mɛlɛka co kuubanɔ cɔwvo-o pɛɛn.

⁹Niaa diola luɛyaalan, la kumbi koŋnda niaalan, niaa diola fɛɛn-fɛɛnndan, la kumbin mì Masa tɔ́ɔ́ bɛndoo luɛi.

¹⁰Nɛ̀ɛ́ co yɛ Masa tɔ́ɔ́ bɛndu kon? Mɛlɛka-Nɔ-Kpaayaa-Kpow-vo, ndu co Masa tɔ́ɔ́ bɛndu kon ni!