Read Kissi Condii lisai 4 Bible Online

Condii lisai 4 - Kissi bible

Condii lisai 4

¹Condii David-e, í fula o condun simlacinɔ vanaa n'condua nin-nde. A ɲɛm-caan iyoon vana soli ndi ni.

²Te i veelu nɔm pɛ, mulul-la, Nɔm Hala cɔm sandii nii-yo. Yiyan ya coo tuma ya co hoo o mɔnɛi nin-ndo. Tuinun ya iɲíí yandi, mà yaŋnun piɛile nilen.

³Éé niaa cuàà n'vanndaciee! Háá telen kuɛɛ niaa lo yɛnin biilu nuu mingio siɛmbulan? Háá telen kuɛɛ niaa lo yɛnin dɛnnda fondolan kaolaa, mì la lo kiltan còòlan kɔɔli?

⁴La sinà hee pɛngu: Mɛlɛka kuundiaa vana lo o lediom coo a ndu-o ni. Te i veelu pɛ Mɛlɛka, o tuei ya diom.

⁵La tambu kɔl, kɛ la tósà haki le. La hini o kpelela niaalan coo mì la yiyan, kɛ mì la mei kpili.

⁶La soli sálàla dɛnɛ sandaalan, mì la kɛsi laalanndo Mɛlɛka coo.

⁷Vanaa bɔɔ-bɔɔ co ɲunaa aa: «Nɛ̀ɛ́ cɔm yɛnin naa dɛnɛ kɛndɔɔ?» Éé Mɛlɛka! Tuisi ɲɛ-tengaa hɔlaa nɔmnda naa coo.

⁸Nɔm Mɛlɛka, a co kɔlkɛndɔɔ lueiyo ya o kɔl hiovɔɔ kɔlkɛndɛ nda sɔla tuma nda nɔ malun sɛnɛiyon a mɔima sɛnɛiyan-ndo.

⁹I hini dɔ́ɔ́ pɛ, i lɔlnun a kɔlɲuloo, kani nɔm Mɛlɛka kpé co ya kandaa ni.