Read Kissi Condii lisai 43 Bible Online

Condii lisai 43 - Kissi bible

Condii lisai 43

¹Éé Hala, yɔngu ya dío! Cɔm dɛnɛ nuu vanaa lo o lediom coo a nɔm te-a o hɔl. Baŋa ya vanaa kɔlkalu vɔɔnda a vanaa lakafaa ha o ba.

²Kani nɔm co Hala nuu ni, nɔm vana co ya kandaa-o ni. Le yɛɛ nɛ n mal-lɛ ya nuaa? Le yɛɛ yaamɔɔa co yɛ ya palaa mí va kpɔlɔlanndo o mɔnɛi he nin?

³Cuu ɲɛ-tengaa nɔmndo a toɲa nɔmndo, mì la cɔm ya nɛiyo, mì la yɛɛ ya o pembii nɔmii diandɛi coo a o calta nɔmndan.

⁴I kɔanin o fonda-loamaa-lasálà nɔmndo, nɔm pila ikɛi, nɔm Hala co kɔlkɛndɛ nuu a ɲaale nuu-o. Òó Hala, i lisanin nɔm a bangaa, nɔm Hala nuu!

⁵Kɔl nuu, le yɛɛ nɛ n co yɛ fulaa? Le kɔlɔ yɛɛ n co yɛ ŋɔɔcianndo ya nin? Tiindan Hala, kani i sangalanin ndu vɛlɛ le cinda nuu.