Read Kissi Condii lisai 47 Bible Online

Condii lisai 47 - Kissi bible

Condii lisai 47

¹Condii poaa Kore-a, í fula o condun simlacinɔ vanaa n'condua nin-nde.

²Niaa vannda kpow, la tiɔm balan! La deŋi Hala o lani a ɲaaloo.

³Kani Kpulunkumaa Mɛlɛka, Hala-Hiow-Ɲɔɔn-Kpow-vo co ni. Ndu co masa bɛndoo o lɛŋnden kpow coo ni.

⁴O mal vannda naa o ba, mó kɛsi vanaa-mangalaa-isɔɔa naa o labɛngunin.

⁵Mó hɛlul naa kɛ́ɔ, naa yungu Yakɔb o kaola-o-a.

⁶Hala co helɔɔ o yoondiaala kponyolan tɛɛn, Mɛlɛka co hunɔɔ o diomnda bululan bɛngu.

⁷La solul Hala condon, la condu! La soli condon le masa naa, la condu!

⁸Kani Hala co masaa o lɛŋnden kpow coo ni. La solul ndu condon, la condu!

⁹Hala co masalen tosaa o lɛŋnden coo, o co icali o kpɛŋɛ ndɔ lemasa diandaa coo.

¹⁰Vanaa kùndàá co o lɛŋnden coo-a co cuungianndo yungu Hala Abraham-ndo ikɛi, kani masaa o lɛŋnden coo kpede, Hala o ba bɛngu nda co ni. Mɛlɛka co ɲɔɔn kpow bollen ni.