Read Kissi Condii lisai 54 Bible Online

Condii lisai 54 - Kissi bible

Condii lisai 54

¹Condii David-e, í fula o condun simlacinɔ vanaa n'condua nin-nde. A ɲɛ-caa iyoo o soli condei he ni,

²tuma vanaa fula Sif-a a kɔɛ o Saul-lo, má dimul ndu maa David va o viannan o lɛŋnde ndalen nin-ndo:

³Éé Hala, ciindiaa ya o diola nɔmndan! Kiolu ya iyama a kpaaya nɔmndo!

⁴Kpòkóó Hala, tuei piɛile nilen, yaŋ nilan o sɔɔn co ya fulaa o sondo-on,

⁵Kani mialla co ya simullo, vanaa kɔlta vɔɔnda yeema mà dii ya, Kpeku co nda a Hala le.

⁶Kɛ tofa vɔ, Hala co ya malaa, Maalii co ya yoomuan lueiyo.

⁷Màá dɛnɛ palaa tol yaamɔaa nia coo! Mɛlɛka, mɛɛ n co vana lo o lediom coo-o yɛ, kinda nda sondolan.

⁸I solulnin nɔm Mɛlɛka sálàlan a kɔl nuu kpede, i sangalanin diola nɔmndan, kani a naŋnun o bɔɔ mbɔ̀!

⁹A co ya solio o buulanndan kpow nin, i co yaamɔaa nia cɔu delɔɔ.