Read Kissi Condii lisai 60 Bible Online

Condii lisai 60 - Kissi bible

Condii lisai 60

¹Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa «Bil pɔmbɔ leseiyo»-o o soli ndi ni.

²Telen o del Aramiaa va Mesopotami-a a vanaa va Soba-a coo a cɔwvo, mí Yoab nɔla Edɔmnda vaalan tɔ́ a latiɔn o Ból Ihɛllo nin-ndo o soli condei he ni:

³Éé Hala! A mal naa má puusiaa naa. O co bɛɛ a kɔl tuwvo a naa, kɛ mingi naa simi.

⁴A hiilu lɛŋnden má pesipesi len. Mingi nɛɛ le piɔsipiɔsi-a kiindiaa, kani le co hiilɔnndo.

⁵A tuisi vanaa nɔmnda sangala kálà-kálàlan coo, má koesi naa mɔima nɛyaa-nɛyan.

⁶A yɔngu vanaa nɔ siòòŋii nɔmnde-a tɔɔmaseloo, le vanaa vuaa lakpaasiaa ɲaanɔnndo[17].

⁷Mulul naa, ma ciindiaa naa a kpaaya nɔmndo, haliko mi naa vanaa n kaola-a sɔla baŋaa.

⁸Hala soo o Cɛi ndɔ diandaa nin, mó dimi aa: «I tiwnin ba, i co hunɔɔ Sikɛm piɔw, mì tuu bóllo Sukɔt a pɛltan.

⁹Ya nɔ tàndá Kalaad-o a lɛŋnde Manase len ni. Mɔsil ni cɔwvo co tàndá Efraim-ndo ni, Yuda co tinda ni lemasaa ni.

¹⁰Fɛngɛ ya pulun nin-ndo co Moab ni. Edɔm co nɛɛ ya viaw samta nuu-a ni. Lɛŋnde Filistii len ya yonda yonda cɔwvo kɔɔli ni.[18]»

¹¹Nɛ̀ɛ́ yaa yɛnin ya o kobi co hoo o kpakio nin-ndo nin? Ɔ́ɔ̀ vana liilanin ya háá Edɔm-ndo?

¹²Vɛ̀ɛ̀ o co nɔm Hala óò kɛɛ naa-o le? Vɛ̀ɛ̀ o co nɔm Hala óò kɛɛ le kɔlan o cɔwvo a vanaa naa cɔwva-o le?

¹³Hun mala naa yaamɔɔa cɔlɔba, kani baŋa vanacieo baŋa vana-o co ɲɛ-ɲɛ le.

¹⁴Kɛ te Hala va pɛ naa ikɛi, n tosa dɛnnda tɔɔ bɛndulan, kani o pesipesinin yaamɔaa naa.