Read Kissi Condii lisai 70 Bible Online

Condii lisai 70 - Kissi bible

Condii lisai 70

¹Condii David-e, í fula o condun simlacinɔ vanaa n'condua nin-nde. Le loonɔnndo a Hala o kɔɔ.

²Éé Hala! Keleŋa hunɔɔ ma baŋa ya, Mɛlɛka, hun cɔ́-cɔ́ ma mala ya.

³Màá siɛmbulan la bii vanaa co ya kɔɔli le ya diyɔɔ-a! Màá à tambu labɛɛ! Màá vanaa yeema mì dɛnɛ vɔɔndo tol-la coo-a kpow a muungu a siɛmbulan mɔ́ɔ́yɔ̀ɔ̀!

⁴Màá vanaa co ya mamaɔɔ ihia-hiai-ya kpow a muungu a siɛmbulan!

⁵Màá vanaa co nɔm Hala nuwviaa-a kpow naŋ kɔl, mà dɔwnun ɲaale o nɔm nin! Màá vanaa yeema cindaa sɔlaa nɔm o ba-a a va dimio lɔ́ɔ́-lɔ́ɔ̀ aa: «Hala co o bɔɔ!»

⁶Ya ya, vana dɛnɛ palaa a vana bala fondoo ya co ni. Nɔm co vana malaa nuu a vana baŋaa nuu ni. Lelan Hala nuu, hun cɔ́-cɔ́!