Read Kissi Condii lisai 75 Bible Online

Condii lisai 75 - Kissi bible

Condii lisai 75

¹Condii Asaf-e, í fula o condun simlacinɔ vanaa n'condua nin-nde. Sɔɛi lebolle o condei he nin i co ni aa: «Tɛɛmbuu le».

²N mel nɔm balika Hala, n mel nɔm balika, kani diola nɔmndan la co naa levil te. N co dɛnnda kaamaala nɔmndan vannda cɔmndo.

³Hala dimi aa: «Telen ya pila handunin-ndo, telen kon ya kialunin yamɛi sandɛi ni.

⁴Te lɛŋnden a vanaa co lecoo-a hiilun pɛ, ya pila bii sungbuma lelɛŋndan.

⁵I kpaa vanaa yongaa aa: ‹La tosa lɛ yongaa le.› I dimul vɛlɛ vanaa yɔŋ vɔɔnda aa: ‹La heelu lɛ hɔlla le.

⁶La heelu lɛ bolle mì la simul Ó-Hiow-Ɲɔɔn-Kpow-vo le! La pɛngi vannda pɛɛsiaa a sɔɔn niaan sondon.

⁷Kani o co a ba paalen le can-ndo a à ba le del-lo le vanabɛnduyɛi i fula le, o co vɛlɛ o lɛŋnde veselɛilen nin te vanabɛnduyɛi cɛn tum te.

⁸Kɛ Hala co Vana kialaa n'yamaa ni, o tuisi pɛ vana pilɛ tootoo, o heelu o pilɔɔ.›»

⁹Mɛlɛka nɔ taala kólaa o ba, o co o piaa cá a mɔima nɛyaama bingulanndan, mɔima man ma co kɔl ndɔ tuwvo ni. O co man talaa le vanaa kɔlvesɛyaa co o lɛŋnden coo-a kpow man koesio, nda kpow a bɛnda ma kol man a kììyo kpede.

¹⁰Ya ya, i vanin sɔɛi ken dimio lɔ́ɔ́-lɔ́ɔ̀, i vanin condon solio lɔ́ɔ́-lɔ́ɔ̀ le Hala Yakɔb-o:

¹¹Hala dimi aa: «I tɛɛmbuunin kpaaya vanaa kɔlvesɛiya kpow, mì kpaaya vanaa sandaa ndu cɔɔlun lecoo.»