Read Kissi Condii lisai 82 Bible Online

Condii lisai 82 - Kissi bible

Condii lisai 82

¹Condei, condii fula o condun Asaf-on nin-nde. «Hala co vanaa balu ndu-a tɛɛn, o co halaa tɛɛn mó va yaman kiolɔɔ aa:

²‹Háá lɔ́ɔ́ kuɛɛ niaa lo yɛnin yaman lakafan kiolɔɔ? Háá tuma kuɛɛ niaa lo yɛnin vanaa kɔlvesɛiya malaa o còòlan coo?

³La tosal vanaa nɔ mayoomu lo a vííyo dɛnɛ sandaa, mì la kilul vana bala fondoo a vana ikɔɔ yamɛi sandɛi.

⁴La baŋa vana nɔ mayoomu loo a vana dɛnɛ palaa co coo-o, la hiɔlu nda vanaa kɔlvesɛiya o ba.

⁵Kɛ la sina ɲɛ-ɲɛ le, la bii vɛlɛ ɲɛ-ɲɛ bila le, la co kelanndo iyuumu-yuumuei o ɲumndan nin. Lelan, lɛŋnden le co ɲiiyaa o tumndo dí.

⁶Le hee ya dimi ni aa halaa niaa co ni[33], niaa kpede. Niaa poaa Ó-Hiow-Ɲɔɔn-Kpow-vo-a pɛɛn.

⁷Kɛ la vunin mɛɛ vanndacieaa tɔ̀a vu yɛ, la delnin mɛɛ simlacia tɔ̀a kpow a del nuaa yɛ.

⁸Éé Hala, cɔn ma kelu lɛŋnden iyama, kani vanaa-mangalaa-isɔɔa kpow, kɛ́ nɔmndo nda co ni.›»