Read Kissi Condii lisai 86 Bible Online

Condii lisai 86 - Kissi bible

Condii lisai 86

¹Piɛile David len. Éé Mɛlɛka! Yaŋ nilan mà mulul-la, kani vana dɛnɛ palaa co coo-o a vana bala fondoo ya co ni.

²I co vana pilɛ o vanaa lo o lediom coo a nɔm-nda tɛɛn, kanda ya. Vana baala nɔmndo ya co ni, nɔm ya tiindan ni. Hun ciindiaa ya, nɔm Hala nuu.

³Éé Maalii, tuinun ya iɲíí, kani niinoo kpɛŋ i co cɛɛŋɔnndo nɔm o lani.

⁴Éé Maalii, i hin nɔm o ibuŋ, ya vana baala nɔmndo, ke ya kɔlɲuloo.

⁵Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

⁶Éé Mɛlɛka! Tuei piɛile nilen, yan nilan o cɛɛŋɔnnda nila iɲíílan.

⁷Dɛnɛ palaa tol-la pɛ coo, i piɛi nɔm, kani a mululnin ya.

⁸Éé Maalii, hala kɛ́-kɛ̀ co maa nɔm o piɔmnda tɛɛn te, o kɛ́-kɛ̀ tiwba mò tosa dɛnndan maa nɔm te.

⁹Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

¹⁰Kani a co o bɔɔ, a co sɔɔn kaaman tosaa, nɔm pilɛ kpé co Hala kpeekpeiyo ni.

¹¹Éé Mɛlɛka! Pɛɛku ya nɛila nɔmndan, mì kela o toɲa nɔmndo coo. Ke ya kɔllo ndu pilɛ kpé, haliko mi vo diola nɔmndan.

¹²Éé Maalii Hala nuu, i biilunin nɔm a kɔl nuu kpow, i vanin nɔm sangalaa lɔ́ɔ́-lɔ́ɔ̀,

¹³kani kaola n kaola ya-o co o bɔɔ, a baŋa ya, má soli ya ciee-piɔ́m.

¹⁴Éé Hala, vanaa yongaa co ya cɔlɔbaa, vanaa yɔŋ vɔɔnda co vininndo le ya diyɔɔ. A co bɛɛ yiyan a nɔm o kɔɔ le.

¹⁵Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.

¹⁶Tosal-la kɛndɛi mà tuinun ya iɲíí. Luei vana baala nɔmndo yoomuan, mà ciindiaa po buɛi laandu nɔmndo.

¹⁷Cɔm ya tɔɔmasele nɔmndo, mì yaamɔaa nia kpow a ce, mì siɛmbulan la bii nda, kani nɔm Mɛlɛka mala ya ni, má ɲɔɔlu ya.