Read Kissi Condii lisai 97 Bible Online

Condii lisai 97 - Kissi bible

Condii lisai 97

¹Mɛlɛka co masaa ni, màá vanaa co o lɛŋnden coo-a kpow a dɔwnun ɲaale, mì vanaa co levil-la kpede a dɔwnun ɲaale!

²Yumbuyumboo a ɲumndan ma co ndu ma balaa. O toɲaa a o sandei coo kpɛŋɛ lemasa ndɔɔ kɛsi tumndo ni.

³Yinnden le co ndu kɔlan laci, le co yaamɔa balu ndu-a lomɔɔ.

⁴Ɲɛ voliaa ndɔɔ co ceendo teengiaa, vannda co kon cɔu ma va ɲiiyaa.

⁵Pembon co tengaa Mɛlɛka o hɔl maa dukpa, Mɛlɛka nɔ lɛŋnden kpow o ba-o laci.

⁶Halataalaa co sandii ndɔɛi cɔmndo, vannda kpow co biilu ndɔɔ cɔu.

⁷Siɛmbulan la biinin vanaa co piɔmnda sooloo-a kpow, vanaa co lisanndo a halaa fondoa-a pɛɛn. Halaa kan kpow baŋnin vulan Mɛlɛka o labɛngunin.

⁸Vannda Siɔn tuɛinin ken mà dɔwnun ɲaale, kobila co o tàndá Yuda-o nin-ndan la naŋnin kɔl le yaman Mɛlɛka kialunin-ndon.

⁹Kani nɔm Mɛlɛka, nɔm co Hala-Hiow-Ɲɔɔn-Kpow-vo o lɛŋnden kpow coo ni, a hiow halaa tɔ̀a.

¹⁰Niaa vanaa kaola Mɛlɛka-a, la kɛɛ yɔŋ vɔɔndo, Mɛlɛka co yoomula vanaa lo o lediom coo-a mandaa, o co nda baŋaa vanaa yɔŋ vɔɔnda o ba.

¹¹Ɲɛ-tengaa co tengaa le vanaa sandaa, kɔlkɛndɔɔ co le vanaa dendu kɔltan-nda.

¹²Niaa vanaa sandaa, la dɔwnun ɲaale o Mɛlɛka nin, mì la sangala diola ndɔla diandaa lan.