Read Kissi Condii lisai 99 Bible Online

Condii lisai 99 - Kissi bible

Condii lisai 99

¹Mɛlɛka co masaa ni, vanaa-mangalaa-isɔɔa co ɲiiyaa. O co icali o kpɛŋɛ lemasa ndɔɔ nin mɛlɛkaa kanda ɲɛm Hala-on-nda tɛɛn, lɛŋnden le co ɲiiyaa.

²Mɛlɛka co o bɔɔ Siɔn, o co sangalaa sɔlaa vanaa-mangalaa-isɔɔa kpow tɛɛn.

³Màá vannda biilu nɔm, nɔm Hala bɛndoo a Hala lakaamaa! A toɲa, nɔm pilɛ kpé co Hala kpeekpeiyo ni.

⁴Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

⁵La biilu Mɛlɛka Hala naa, la baŋ vulan ndu o labɛngunin nɛɛ o kɛsì pelon-nda. A toɲa, Mɛlɛka ndu pilɛ kpé co Hala kpeekpeiyo ni.

⁶Moise nda Aarɔn va vanaa-solia-lasálàá tɛɛn, mí Samiɛl va vanaa lepiɛiya tɛɛn, má piɛi Mɛlɛka, mó mulul nda.

⁷Mó soaa o nda lo o tindile ikumnden nin, má bii tɔŋndan a sɔɔn o va nda dimullo-on.

⁸Éé Mɛlɛka Hala naa, a va nda mulullo, má biwnun a nda. Kɛ má tuisi nda sangaa coo le yɔŋ vɔɔn ndaa tosa-o.

⁹La lisà Mɛlɛka Hala naa, la baŋ vulan ndu o labɛngunin o pembii ndɔɛi diandɛi hɔl-ndɔ, kani vana diandaa Mɛlɛka Hala naa co ni.