Read Kissi Esai 12 Bible Online

Esai 12 - Kissi bible

Esai 12

¹«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

²A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

³La kɔandunin mɛnndan a kɔlkɛndɔɔ o soonnda cindaalan nin.

⁴O kon, la diminin paale len aa: ‹La lisa Mɛlɛka! La veelu diola ndɔlan o piɛilen nin! La yonda a dɛnnda ndɔlan o kɔɔ vanaa súúla celen tɛɛn! La yonda a bɔɔbɔɔyɛi diola ndɔlan o kɔɔ!

⁵La soli condei le Mɛlɛka, kani o tosa bɔɔ ɲɛm kɛndɔn. Màá vanaa co o lɛŋnden coo-a kpow a sina ɲɛm kɛndɛn mun!

⁶La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»