Read Kissi Kundalan 26 Bible Online

Kundalan 26 - Kissi bible

Kundalan 26

¹Mí Mɛlɛka dimul Moise nda Eleasar, po Aarɔn vana-solia-lasálàá aa:

²«La sɛva Israɛlla kpede, mì la cɔm nda a pilɛn-pilɛnnda mɛɛ nda co a kundala n'vanayalan yɛ, kandɔɔ vanpiaandua nɔ vɔsilan bidiin-nda, kɔ bii a nɔ hiovɔɔ bidiin coo-a, a nɔla le vali cɔwvo tosaa-a.»

³Mí Moise nda Eleasar vana-solia-lasálàá a soaa o vannda kpow lo o dɛɛlalan Moab nin, la co o peo Yurdɛn demullo lan, le helɔɔ a ba Yeriko-o. Má dimul nda aa:

⁴«N co hunɔɔ vanpiaandua nɔ vɔsilan bidiin-nda a á nɔ hiovɔɔ bidiin coo-a sɛva kpede, lende Mɛlɛka dimul Moise le tosaa ni.» Israɛlaa cɛn o lɛŋnde Esipte len nin-nda va haa ni:

⁵Poaa Rubɛn po tase Israɛl-lo-a yɔŋnun haa ni: Hanɔk, ndu yɔŋnun fuɲa-mamaa le yungula Hanɔkiia ni, Pallu, ndu yɔŋnun fuɲa-mamaa le yungula Palluia ni,

⁶Hɛsrɔn, ndu yɔŋnun fuɲa-mamaa le yungula Hɛsrɔniia ni, a Karmi, ndu yɔŋnun fuɲa-mamaa le yungula Karmiia ni.

⁷Yungula fula Rubɛn o ipulu lan la yɔŋnun ndán ni. Kpow-kpow, a va vanpiaandua vaalan belehiɔɔlu a layàá a kɛmɛ leŋɔmmɛw a beleyaa (43 730)

⁸Poaa Eliab po Pallu-o velu-a

⁹va haa ni: Nemuɛl, Datan a Abiram. Vanaa mɛɛlaa ŋiɔŋaa kan, Datan a Abiram, a va o kunda simlacia nin, telen Kore a kunda ndɔɔ simul Mɛlɛka, má kuel Moise nda Aarɔn-ndo, nda bɛɛ va o kunda kon tɛɛn.

¹⁰Mí lɛŋnden le piɔl, mí le mial nda a Kore latulu, paale len koni yinnden le lom kunda ndɔɔ kpow ni, mí vanpiaandua vu kɛmɛ lediin a beleŋuɛɛnu.

¹¹Kɛ nduyɛ, poaa Kore-a nda vi le.

¹²Cuavaa-imamaa Simeɔn-nda va haa a kundala ndala n'vanayalan ni: Nemuɛl, ndu yɔŋnun fuɲa-mamaa le yungula Nemuɛliia ni, Yamin, ndu yɔŋnun fuɲa-mamaa le yungula Yaminiia ni, Yakin, ndu yɔŋnun fuɲa-mamaa le yungula Yakiniia ni,

¹³Sera, ndu yɔŋnun fuɲa-mamaa le yungula Serahiia ni, Saul, ndu yɔŋnun fuɲa-mamaa le yungula Sauliia ni.

¹⁴Yungula fula Simeɔn o ipulu lan la yɔŋnun ndán ni. Kpow-kpow, a va vanpiaandua vaalan bidiin a latiɔn a kɛmɛ lediin (22 200)

¹⁵Cuavaa-imamaa Kad-a va haa a kundala ndala n'vanayalan ni: Sefɔn, ndu yɔŋnun fuɲa-mamaa le yungula Sefoniia ni, Hakii, ndu yɔŋnun fuɲa-mamaa le yungula Hakiia ni, Suni, ndu yɔŋnun fuɲa-mamaa le yungula Suniia ni,

¹⁶Ɔsni, ndu yɔŋnun fuɲa-mamaa le yungula Ɔsniia ni, Eri, ndu yɔŋnun fuɲa-mamaa le yungula Eriia ni,

¹⁷Arɔd, ndu yɔŋnun fuɲa-mamaa le yungula Arɔdiia ni, Areli, ndu yɔŋnun fuɲa-mamaa le yungula Areliia ni.

¹⁸Yungula fula Kad o ipulu lan la yɔŋnun ndán ni. Kpow-kpow, a va vanpiaandua vaalan belehiɔɔlu a kɛmɛ leŋuɛɛnu (40 500).

¹⁹O cuavaa Yuda-a tɛɛn, mí a ŋiɔn vu o lɛŋnde Kanaan-nden nin: Ɛr nda Onan.

²⁰Cuavaa-imamaa tɔ̀a Yuda-a va haa a kundala ndala n'vanayalan ni: Sela, ndu yɔŋnun fuɲa-mamaa le yungula Selaniia ni, Perɛs, ndu yɔŋnun fuɲa-mamaa le yungula Perɛsiia ni, Sera, ndu yɔŋnun fuɲa-mamaa le yungula Serahiia ni.

²¹Mí Perɛs kon vialu poaa nda ŋiɔn: Hɛsrɔn, ndu yɔŋnun fuɲa-mamaa le yungula Hɛsrɔniia ni, a Hamul, ndu yɔŋnun fuɲa-mamaa yungula Hamuliia ni.

²²Yungula fula Yuda o ipulu lan la yɔŋnun ndán ni. Kpow-kpow, a va vanpiaandua vaalan belaŋɔmmɛw a laŋɔmpum a kɛmɛ leŋuɛɛnu (76 500).

²³Cuavaa-imamaa Isakar-a va haa a kundala ndala n'vanayalan ni: Tola, ndu yɔŋnun fuɲa-mamaa le yungula Tolaiia ni, Puva, ndu yɔŋnun fuɲa-mamaa le yungula Puniia[22] ni,

²⁴Yasub, ndu yɔŋnun fuɲa-mamaa le Yasubiia ni, Simrɔn, ndu yɔŋnun fuɲa-mamaa le Simroniia ni.

²⁵Yungula fula Isakar o ipulu lan la yɔŋnun ndán ni. Kpow-kpow, a va vanpiaandua vaalan belaŋɔmpum a lahiɔɔlu a kɛmɛ leyáá (64 300).

²⁶Cuavaa-imamaa Sabulɔn-nda va haa a kundala ndala n'vanayalan ni. Serɛd, ndu yɔŋnun fuɲa-mamaa le yungula Sarediia ni, Elɔn, ndu yɔŋnun fuɲa-mamaa le yungula Eloniia ni, Yaleɛl, ndu yɔŋnun fuɲa-mamaa le yungula Yaleɛliia ni.

²⁷Yungula fula Sabulɔn o ipulu lan la yɔŋnun ndán ni. Kpow-kpow, a va vanpiaandua vaalan belaŋɔmpum a kɛmɛ leŋuɛɛnu (60 500).

²⁸Poaa Yosɛf-a yɔŋnun haa a kundala ndala n'vanayalan ni, Manase nda Efraim pɛɛn:

²⁹Poaa Manase velu-a yɔŋnun haa ni: Makir, ndu yɔŋnun fuɲa-mamaa le yungula Makiriia ni, ndu Makir velu Kalaad ni. Kalaad yɔŋnun fuɲa-mamaa le yungula Kalaadiia ni.

³⁰Cuavaa-imamaa Kalaad-a yɔŋnun haa ni: Yesɛr, ndu yɔŋnun fuɲa-mamaa le yungula Yeseriia ni, Helɛk, ndu yɔŋnun fuɲa-mamaa le yungula Helekiia ni,

³¹Aseriɛl, ndu yɔŋnun fuɲa-mamaa le yungula Aserieliia ni, Sikɛm, ndu yɔŋnun fuɲa-mamaa le yungula Sikɛmiia ni,

³²Semida, ndu yɔŋnun fuɲa-mamaa le yungula Semidaiia ni, Hefɛr, ndu yɔŋnun fuɲa-mamaa le yungula Hefɛriia ni.

³³Selofad, po Hefɛr-o ndu vilu hɔ́ɔ́ piaandu le, fɔ hɔ́aa laandua, diola ndalan la co lan ni: Mala, Noa, Hɔkla, Milka a Tirsa.

³⁴Yungula fula Manase o ipulu lan la yɔŋnun ndán ni. Kpow-kpow, a va vanpiaandua vaalan beleŋuɛɛnu a latiɔn a kɛmɛ leŋɔmmɛw (52 700)

³⁵Cuavaa-imamaa Efraim-nda va haa a kundala ndala n'vanayalan ni: Sutela, ndu yɔŋnun fuɲa-mamaa le Sutalhiia ni, Bekɛr, ndu yɔŋnun fuɲa-mamaa le yungula Bakriia ni, Tahan, ndu yɔŋnun fuɲa-mamaa le yungula Tahaniia ni.

³⁶Mí Sutela vialu Eran. Eran kon yɔŋnun fuɲa-mamaa le yungula Eraniia ni.

³⁷Yungula fula Efraim o ipulu lan la yɔŋnun ndán ni. Kpow-kpow, a va vanpiaandua vaalan beleyaa a latiɔn a kɛmɛ leŋuɛɛnu (32 500). Kan yɔŋnun cuavaa-imamaa Yosɛf-a a kundala ndala n'vanayalan ni.

³⁸Cuavaa-imamaa Bɛnyamɛn-nda va haa a kundala ndala n'vanayalan ni: Bela, ndu yɔŋnun fuɲa-mamaa le yungula Baliia ni, Asbɛl, ndu yɔŋnun fuɲa-mamaa le yungula Asbeliia ni, Ahiram, ndu yɔŋnun fuɲa-mamaa le yungula Ahiramiia ni,

³⁹Sefufam, ndu yɔŋnun fuɲa-mamaa le yungula Sufamiia ni, Hufam, ndu yɔŋnun fuɲa-mamaa le yungula Hufamiia ni,

⁴⁰Mí Bela vialu vanpiaandua nda ŋiɔn: Ard nda Naaman. Ard yɔŋnun fuɲa-mamaa le yungula Ardiia ni, Naaman fuɲa-mamaa le yungula Naamiia ni.

⁴¹Yungula fula Bɛnyamɛn o ipulu lan la yɔŋnun ndán ni. Kpow-kpow, a va vanpiaandua vaalan belehiɔɔlu a laŋuɛɛnu a kɛmɛ leŋɔmpum (45 600).

⁴²Cuavaa-imamaa Dan-nda va haa a kundala ndala n'vanayalan ni. Suham, ndu yɔŋnun fuɲa-mamaa le yungula Suhamiia ni. Yungula fula Dan o ipulu lan la yɔŋnun yungula Suhamiaa kan daama ni.

⁴³O yungula fula o kundala n'vanayala cuavaa Suham-nda lan nin-ndan nin, vanpiaandua va vaalan belaŋɔmpum a lahiɔɔlu a kɛmɛ leŋuɛɛnu (64 500)

⁴⁴Cuavaa-imamaa Asɛr-a va haa a kundala ndala n'vanayalan ni: Yimna, ndu yɔŋnun fuɲa-mamaa le yungula Yimniia ni, Yisvi, ndu yɔŋnun fuɲa-mamaa le yungula Yisviia ni, Beria, ndu yɔŋnun fuɲa-mamaa le yungula Beriia ni.

⁴⁵Beria kon o ipulu yungula Hebɛr lan a yungula Malkiɛl tan la fula ni.

⁴⁶Asɛr ndóò velu vɛlɛ vanalanɔɔ pum diolan Sera.

⁴⁷Yungula fula Asɛr o ipulu lan la yɔŋnun ndán ni. Kpow-kpow, a va vanpiaandua vaalan beleŋuɛɛnu a layàá a kɛmɛ lehiɔɔlu (53 400).

⁴⁸Cuavaa-imamaa Nɛftali-a va haa a kundala ndala n'vanayalan ni: Yaseɛl, ndu yɔŋnun fuɲa-mamaa le yungula Yaseeliia ni, Kuni, ndu yɔŋnun fuɲa-mamaa le yungula Kuniia ni.

⁴⁹Yesɛr, ndu yɔŋnun fuɲa-mamaa le yungula Yisriia ni, Silɛm, ndu yɔŋnun fuɲa-mamaa le yungula Silemiia ni.

⁵⁰Yungula fula Nɛftali o ipulu lan la yɔŋnun ndán ni. Kpow-kpow, a va vanpiaandua vaalan belehiɔɔlu a laŋuɛɛnu a kɛmɛ lehiɔɔlu (45 400).

⁵¹Israɛlaa piaandua nda sɛva-a a va kpow vaalan kɛmɛ leŋɔmpum a ò pilɛ a kɛmɛ leŋɔmmɛw a beleyaa (601 730)

⁵²Mí Mɛlɛka soaa o Moise lo, mó dimul ndu aa:

⁵³«Vanaa sɛvan haa-a lɛŋnden le bɛnda mì le piɔwnun ni, mì lepolaa-lepola le sɔla kɛ́ɔ mɛɛ le nɔ vannda yɛ.

⁵⁴Polale vannda va pɛ nin taw, a yɔngu nda fondaa taw, polale vannda va pɛ nin ɲɛ-pɔmbɔ, a yɔngu nda fondaa tùúlen. Vana-vana bɛnda mò sɔla fondaa mɛɛ o nɔ vannda o yungu ndɔɔ nin yɛ.

⁵⁵Kɛ o va bɛɛ maa lepolaa-lepola le sɔlanin fondaa mɛɛ le nɔ vannda yɛ, siondei co malnɔn le lɛŋnden piɔwvo ni.

⁵⁶Siondii malnunnin ken-nde i cɔmnin lɛŋnde polale co sɛ́lɛ́ len le sɔlanin-nden ni. Ndi cɔmnin vɛlɛ lɛŋnde polale co tùúlen-nden le sɔlanin-nden ni.»

⁵⁷Yungula sɛvan fulaa o polale Levii len coo lan la yɔŋnun ndan ni: Kɛrsɔn, ndu yɔŋnun fuɲa-mamaa le yungula Kɛrsuniia ni, Kehat, ndu yɔŋnun fuɲa-mamaa le yungula Kehatiia ni, Merari, ndu yɔŋnun fuɲa-mamaa le yungula Meraria ni.

⁵⁸Yungula fula o polale Levii len nin-ndan la yɔŋnun ndan ni: Yungula Libniia, yungula Hebrɔniia, yungula Mahliia, yungula Musiia a yungula Koriia. Po Kehat velu-o va Amram ni.

⁵⁹Mí Amram yil lanɔɔ diolan Yokebɛd, cua Levii-o, Esipte o velun ni. Mó vilul Amram cuawva nda yáá: Aarɔn, Moise a Miriam yema nda.

⁶⁰Mí Aarɔn vialu poaa ha: Nadab, Abihu, Eleasar a Itamar.

⁶¹Mí Nadab nda Abihu a sɔla piɔ́mndo le kɔla nda kɔɛ Mɛlɛka o hɔl a yinnde súú celennden-ndan[23].

⁶²Vanpiaandua nda sɛva o polale Levii len coo-a, a nɔ paangei ipilɛ a á hiow paangei pilɛ coo-a, a va vaalan bidiin a layàá (23 000). Polale Levii len le sɛvan a Israɛlaa tɔ̀a latulu le, kani nda ndáà bɛnda le kɛ́ lelɛŋ sɔla maa Israɛlaa tɔ̀a le.

⁶³Israɛlaa Moise nda Eleasar vana-solia-lasálàá a sɛva o dɛɛlala holnun peo Yurdɛn o lɛŋnde Moab len nin-ndan-nda a yɔŋnun kan ni. O kobio Yeriko hɔl-ndɔ sɛva kon yɔŋnun ni.

⁶⁴O vanaa Moise nda Aarɔn a sɛva o lɛŋnde veselɛilen nin o pembei Sinai bɛngu-a tɛɛn, vana pilɛ bɛɛ ve lɛ yoomu o sɛva mɛɛlaa ho le,

⁶⁵kani Mɛlɛka ndóò dimul nda nin maa a co cuvɔɔ vu kpede o lɛŋnde veselɛilen nin. Vana pilɛ bɛɛ ve lɛ yoomu le, fɔ Kalɛb po Yefune-o a Yosue po Nun-ndo.