Read Kissi Kundalan 33 Bible Online

Kundalan 33 - Kissi bible

Kundalan 33

¹Dɔ́ɔ́ngɔ́la Israɛlla kei kila lɔ́ɔ́ nda faŋan Esipte a nɔmma bɛnduan le kɔnndan mí Moise nda Aarɔn va kɔlan a nda lan.

²Mí Mɛlɛka dimul Moise le fonda oo fonda ndáà kei dɔ́ɔ́ngɔ́lan kilaa sɛvaa. Mí Moise sɛva lan lapilɛn-pilɛnndan kpow. Fondala nda kei lan calle lan la yɔŋnun ndan ni:

³O paale tɔ́ a leŋuɛɛnundɔlen coo o paangii tasei nin, kafo-hiavaa-coo niinoo kpɛŋ diimandɔɔ, mí Israɛlla faŋan Esiptea kpow o hɔl Ramsɛs, má kɔannun a ba nda bɛɛn-bɛɛn.

⁴Esiptea va poaa ndaa tasea Mɛlɛka diw-va kumbɔɔ. Kani mí Mɛlɛka tuisi halaa Esiptea dɛnɛ palaa coo.

⁵Mí Israɛlla can Ramsɛs, má kɔ kila dɔ́ɔ́ngɔ́ɔ̀ Sukɔt.

⁶Cɔnɔnndo Sukɔt, má kɔ kila dɔ́ɔ́ngɔ́ɔ̀ Etam, o pɛɛngulan a lɛŋnde veselɛilen.

⁷Mɛɛ nda cɛn Etam, má muungu háá Pi-Hahirɔt, Baal-Sefɔn ikɛi, kpengii paalen le can-nde, má kila dɔ́ɔ́ngɔ́ ndaa Mikdɔl o hɔl-ndɔ.

⁸Cɔnɔnndo Pi-Hahirɔt[27], má taŋ mɛmma ihɛllan, má kɔa a ba lɛŋnde veselɛilen. Mɛɛ nda kɔɛ palɛi ndii yáá o lɛŋnde veselɛilen Etam nin, má kɔ kila dɔ́ɔ́ngɔ́ɔ̀ Mara.

⁹Ndáà cɔnɔnndo Mara, má kɔ fula Elim, lon nda saalun soonnda kólaalan tɔ́ a latiɔn a vawvan belaŋɔmmɛw ni. Má kila dɔ́ɔ́ngɔ́ɔ̀ lon.

¹⁰Cɔnɔnndo Elim, má kɔ kila dɔ́ɔ́ngɔ́ɔ̀ o mɛmma ihɛlma makpɛ̀ndɛ̀an dangalaa.

¹¹Cɔnɔnndo lon, má cal o lɛŋnde veselɛilen Sin nin.

¹²Mɛɛ nda faŋan Sin ndon, má kɔa Dɔfka.

¹³Cɔnɔnndo Dɔfka, má kɔa Alus,

¹⁴má faŋan Alus, má kɔa Refidim, a komal mɛmma kólaa Refidim ndon te.

¹⁵Mɛɛ nda faŋan Refidim, má kɔa o lɛŋnde veselɛilen Sinai nin,

¹⁶mɛɛ nda faŋan Sinai lon, má kɔa Kibrɔt-Hataava.

¹⁷Cɔnɔnndo Kibrɔt-Hataava, má kɔa Haserɔt,

¹⁸má faŋan Haserɔt, má kɔa Ritma,

¹⁹má faŋan ndon, má kɔa Rimɔn-Perɛt,

²⁰má faŋan ndon, má kɔa Libna.

²¹Mɛɛ nda cɛn Libna, má kɔa Risa,

²²má faŋan ndon, má kɔa Kehelata,

²³má faŋan Kehelata, má kɔa o pembei Safɛr,

²⁴má faŋan o pembei Safɛr, má kɔa Harada.

²⁵Mɛɛ nda cɛn Harada, má kɔa Makelɔt,

²⁶má faŋan ndon, má kɔa Tahat,

²⁷má faŋan Tahat, má kɔa Tara,

²⁸má faŋan Tara, má kɔa Mitka.

²⁹Mɛɛ nda cɛn Mitka, má kɔa Hasmona,

³⁰má faŋan Hasmona, má kɔa Moserɔt,

³¹má faŋan Moserɔt, má kɔa Bene-Yaakan.

³²Mɛɛ nda cɛn Bene-Yaakan, má kɔa Hɔr-Hɔrkidkad,

³³má faŋan ndon, má kɔa Yɔtbata,

³⁴má faŋan Yɔtbata, má kɔa Abrona,

³⁵Má can Abrona, má kɔa Ɛsiɔn-Kebɛr.

³⁶Mɛɛ nda faŋan Ɛsiɔn-Kebɛr, má kɔa o lɛŋnde veselɛilen Sin nin, len nda veelu ni aa Kadɛs.

³⁷Mɛɛ nda cɛn Kadɛs, má kɔa o pembei Hɔr, o pɛɛngulan a lɛŋnde Edɔm-nden ikɛi.

³⁸Mɛɛ Mɛlɛka pila dimi yɛ, lon vana-solia-lasálàá Aarɔn hel o pembei Hɔr coo ni, mó vu lon o paale taselen o paangii ŋuɛɛnundɔɛi nin o vɔsi belehiɔɔlundɔɔ nin o cɔnɔn ndaa Esipte kɔɔli.

³⁹Ndóò nɔ vɔsilan kɛmɛ a bidiin a layàá, mó vu.

⁴⁰Tuma kon masa Kanannda, ó va Arad-o, ó va icali o lɛŋnden o ba too-o tuei tɔ́ɔ́lan ni maa Israɛlla co hunɔ̀ɔ́.

⁴¹Mɛɛ Israɛlla cɛn o pembei Hɔr, má kɔa Salmona,

⁴²má can Salmona, má kɔa Punɔn,

⁴³má faŋan Punɔn, má kɔa Obɔt,

⁴⁴má faŋan Obɔt, má kɔa Iye-Abarim o pɛɛngulan a lɛŋnde Moab len.

⁴⁵Mɛɛ nda faŋan Iye-Abarim, má kɔa Dibɔn-Kad,

⁴⁶má faŋan Dibɔn-Kad, má kɔa Almɔn-Diblataim,

⁴⁷má faŋan ndon, má kɔa o pembon Abarim, pembei Nebo o hɔl-ndɔ.

⁴⁸Cɔnɔnndo lon, má kɔa o dɛɛlalan Moab nin, o peo Yurdɛn ikɛi, Yeriko o hɔl-ndɔ.

⁴⁹Má kila dɔ́ɔ́ngɔ́ ndaa o dɛɛlalan Moab nin ndon, o peo Yurdɛn ikɛi. Bɛt-Hayesimɔt a Abɛl-Sitim tɛɛn dɔ́ɔ́ngɔ́ kon va ni.

⁵⁰O dɛɛlalan Moab nin, Yurdɛn ikɛi, Yeriko o hɔl-ndɔ, mí Mɛlɛka dimul Moise

⁵¹le Israɛlla sɔɔn mun tɛɛngullo aa: «Te la taŋ pɛ peo Yurdɛn, mì la tiiya o lɛŋnde Kanaan-nden nin,

⁵²la toawnin vanaa co icali niaa laci lon-nda mì la hɛlu nda lɛŋnden o ba, mì la tɛɛmbuu piɔmaa ndaa nda cɔw a powtan-nda a à nda cɔw a ciliŋun teengian má siinguu nda halaa ndaa-a kpow, mì la pesi vɛlɛ sooluula ndalan.

⁵³La hialunin lɛŋnden nda o ba, mì la cal lenin. Kani ya Mɛlɛka ke niaa len ni, le niaa le co ni.

⁵⁴La bɛnda mì la mal siondei le len piɔwvo polama niaan tɛɛn. Mì lepola oo lepola le sɔla lɛŋnden kɛ́ɔ mɛɛ vannda co lenin yɛ, vanaa va pɛ sɛ́lɛ́ a sɔla lɛŋnden taw, a va pɛ ɲɛ-pɔmbɔ, a sɔla lɛŋnden ɲɛ-pɔmbɔ. Mì lepola oo lepola le cɛl ɲɛ le sɔlanin o siondei malɔɔ nin-ndo.

⁵⁵Kɛ te la tuw vanaa-mangalaa-isɔaa co icali niaa laci lon-nda kpow le, a niaa co mɛi lon ma va icali niaa tɛɛn-nda co niaa saangiaa mɛ̀ɛ́-mɛ̀ɛ́ yɔɔn cuku vana hɔlten nuaa yɛ, mɛɛ kevekevon[28] via vanndo kɔɔ nuaa yɛ. Yaamɔaa niaa nda vanin o lɛŋnde niaa vanin icali nin-nden nin ni.

⁵⁶O tosan yɛ pɛ lende, mɛɛ niaa ya saangiaanin mɛɛ yáà tuu le nda saangiaa yɛ ni.»