Read Kissi Yosue 12 Bible Online

Yosue 12 - Kissi bible

Yosue 12

¹Mí Israɛlla nɔla masaa va o lɛŋii ken nin-nda, má hialu lɛŋnde ndalen Yurdɛn leeloo a ba paalen le can-ndo, kandɔɔ o pee pɔmbɔɔ Arnɔn, kɔ tiiya háá o pembei Hɛrmɔn coo, handɔɔ a haa o bóllo Araba nin, nɛɛ paalen le can-nda. Masaa kan yɔŋnun haa ni:

²Sihon masa Amoriia, ó va icali Hɛsbɔn-ndo. Ó va masalen tosaa kandɔɔ o tàndàá Aroɛr tɛɛn, o pee pɔmbɔɔ Arnɔn kɔngɔ-o, mí lɛŋnde o va masalen tosaa coo len le kɔ tiiya o tàndá Kalaad-o tɛɛn, mí le kɔ tiiya háá o pee pɔmbɔɔ Yabɔk, o pɛɛngulan a lɛŋnde Amɔnnda.

³Ndu koni óò nɔ vɛlɛ bóllo Yurdɛn a ba paalen le can-ndo o ba bɛngu ni, kandɔɔ o mɛmma ihɛllan Kinnerɔt a maluaŋ, háá tiiyaa o mɛmma hɛlii bɛnduan, Bɛt-Yesimɔt ikɛi, handɔɔ o lɛŋnde co o pembei Piska tumndo a ba too len coo.

⁴Masaa pillo yɔŋnun Ɔk ni. O va vana pilɛ o Refaimaa mɛɛlaa tɛɛn, o va masalen tosaa Basan. Astarɔt a Edrei o va icali ni.

⁵Lɛŋnde o va masalen tosaa coo len léè kandun o pembei Hɛrmɔn, Salka, lɛŋnde Basan-nden kpow, kɔlan tiiyaa háá o pɛɛngulan a Kesuriia a Maakatiia, kɔlan o tàndá Kalaad-o tɛɛn, mí le tiiya háá o pɛɛngulan a lɛŋnde Sihon masa va Hɛsbɔn-ndo len.

⁶Mí Moise, vana baala Mɛlɛka-o nda Israɛlla a nɔla masaa ŋiɔŋaa kalaa, mí Moise, vana baala Mɛlɛka-o yɔngu vanaa fula o polale Rubɛn-nden nin-nda, á fula o polale Kad len nin-nda a á fula o polale tálále Manase len nin-nda lɛŋii ndɛi ken.

⁷Mi Yosue nda Israɛlla nɔla vɛlɛ masaa va Yurdɛn leeloo a ba paalen le del-lo-a, à lɛŋii ndɛi va kandɔɔ Baal-Kad o dɛɛlaa Liban nin a maluaŋ, tiiyaa háá o pembii bil vil coo lei, Seir ikɛi a ba too-a. Mó ke Israɛlla tàndàla lan mɛɛ polama ndan ma va yɛ.

⁸Tàndàla va o pembon coo lan, la va o dɛngbɛlan nin o pembon tumndan ndan, la va o dɛɛlaa Yurdɛn nin-ndan, la va o pembon demullo lan, la va o lɛŋnde veselɛilen nin-ndan a tàndàla va o pembon holnɔnndo a ba too o lɛŋnde veselɛilen nin-ndan. O tàndàla lan nin Hitiia, Amoriia, Kanannda, Perisiia, Hiviia a Yebusiia va icali ni.

⁹Masaa Yosue nɔla-a va masaa va o kobilan ndan nin-nda ni: masaa Yeriko, masaa va Ai co Betɛl ikɛi-yo-o,

¹⁰masaa Yerusalɛm, masaa Hebrɔn,

¹¹masaa Yarmut, masaa Lakis,

¹²masaa Ɛklɔn, masaa Kesɛr,

¹³masaa Debir, masaa Kedɛr,

¹⁴masaa Hɔrma, masaa Arad,

¹⁵masaa Libna, masaa Adulam,

¹⁶masaa Makeda, masaa Betɛl,

¹⁷masaa Tapua, masaa Hefɛr,

¹⁸masaa Afɛk, masaa Lasarɔn[6],

¹⁹masaa Madon, masaa Hatsɔr,

²⁰masaa Simrɔn-Mɛrɔn, masaa Aksaf,

²¹masaa Taanak, masaa Mekido,

²²masaa Kedɛs, masaa Yɔkneam o pembei Karmɛl coo,

²³masaa Dɔr o pembei landɔnndo, masaa Koyim co Kilkal[7] ikɛi-yo,

²⁴a hoo Tirsa. Faw-faw, má bɛnda masaa beleyaa a ò pilɛ.