Read Kissi Yosue 19 Bible Online

Yosue 19 - Kissi bible

Yosue 19

¹Mɛɛ nda mal siondei, mí polale Simeɔn-nden le sɔla bungɛi diinndɔɛi mɛɛ yungula ndalan la va yɛ. O lɛŋnde polale Yuda len le sɔla len tɛɛn bungɛi ndɛi va ni.

²Kobila va o kɛ́ ndaa nin-ndan la yɔŋnun ndan ni: Bɛɛr-Seba, Seba, Molada,

³Hasar-Sual, Baala, Esɛm,

⁴Ɛltolad, Betul, Hɔrma,

⁵Siklak, Bɛt-Markabɔt, Hasar-Susa,

⁶Bɛt-Lebaɔt, Saruhɛn. La va faw-faw kobilan tɔ́ a layàá a cieon va lan o ba bɛngu-on.

⁷Kobilan ndan la va vɛlɛ lecoo: Ayin, Rimɔn, Etɛr a Asan. Kobilan tan hiɔɔlu a cieon va lan o ba bɛngu-on,

⁸kɔ bii a cieon balu kobila lan kpow-von, kɔlan tiiyaa háá Baalat-Beɛr a Rama co a ba too-o. Kon yɔŋnun kɛ́ɔ le polale Simeɔn-nden ni mɛɛ yungula ndalan la va yɛ.

⁹Lɛŋnde polale Yuda len le va taw, mí le hiaw nda. Lelan, má kialu len lecoo, má ke polale Simeɔn-nden.

¹⁰Mɛɛ nda mal siondei, mí polale Sabulɔn-nden le sɔla bungɛi yàándɔɛi mɛɛ yungula ndalan la va yɛ. Mí pɛɛngula lɛŋnde ndalen la tiiyaa háá Sarid.

¹¹Mí la heelu a ba paalen le del-lo, mí la kɔa háá Mareala, mí la kɔ hiaw Dabesɛt, háá o pee pɔmbɔ tuusu Yɔkneam a ba paalen le can-ndo-o.

¹²Cɔnɔnndo Sarid, mí la tundun a ba paalen le can-ndo, o pɛɛngulan a Kislɔt-Tabɔr, mí la kɔ fula Daberat, mí la hel háá Yafia.

¹³O kon kɔɔli, mí la hiaw a ba paalen le can-ndo, mí la tiiya háá Kita-Hefɛr, mí la kei Ita-Kasin, mí la kɔ tiiya Rimɔn, mí la kɔ tundun a ba Nea-o.

¹⁴Mí la kɔa a ba luaŋ-ndo, mí la kei Hannatɔn, mí la kɔ del o bóllo Yifta-Ɛl nin.

¹⁵Lan la va vɛlɛ lecoo: Katat, Nahalal, Simrɔn, Yideala a Bɛtlɛhɛm. Faw-faw, kobilan tɔ́ a latiɔn a cieon pɔmbɔn va lan o ba bɛngu-on.

¹⁶Kobilan ndan a cieon va lan o ba bɛngu-on yɔŋnun kɛ́ɔ le polale Sabulɔn-nden a yungula ndala yɛ́-yɛ́lan ni.

¹⁷Mɛɛ nda mal siondei, mí polale Isakar len le sɔla bungɛi hiɔɔlundɔɛi mɛɛ yungula ndalan la va yɛ.

¹⁸Pɛɛngula lɛŋnde ndalen la va keiyo Yisreɛl, Kesullɔt, Sunɛm,

¹⁹Hafaraim, Sion, Anaharat,

²⁰Rabit, Kision, Abɛs,

²¹Remɛt, Ɛin-Kannim, Ɛin-Hada a Bɛt-Pasɛs ni.

²²Mí la kei vɛlɛ a Tabɔr, Sahasima, Bɛt-Siemɛs, mí la kɔ tiiya Yurdɛn o peelo. Faw-faw, kobilan tɔ́ a laŋɔmpum a cieon va lan o ba bɛngu-on.

²³Kɛ́ va le yungula fula o polale Isakar len nin-ndan-ndo va kon ni.

²⁴Mɛɛ nda mal siondei, mí bungɛi ŋuɛɛnundɔɛi sionnden le bii-e yɔngun yungula fula o polale Asɛr len nin-ndan.

²⁵Pɛɛngula lɛŋnde ndalen la va lan ni: Hɛlkat, Hali, Betɛn, Aksaf,

²⁶Alamelɛk, Amead a Miseal, mí la vɔɔsun pembei Karmɛl, mí la tuusu pee pɔmbɔɔ Sihɔr-Libnat a ba paalen le del-lo.

²⁷O kon, mí la tundun a ba paalen le can-ndo, mí la heelu a kpengii Bɛt-Dakɔn-nde, mí la kei o tàndá Sabulɔn-ndo nin a o bóllo Yifta-Ɛl nin. O kon, mí la kɔa a ba luaŋ-ndo, mí la kei Bɛt-Emɛk a Neiɛl, mí la tiiya Kabul o ba mɛllo coo.

²⁸Mí la kei Ebron, Rehɔb, Hamɔn a Kana, mí la kɔa háá Sidɔn-Bɛndoo.

²⁹O kon kɔɔli, mí la kɔa a kpengii Rama-e, mí la tiiya háá Tir, kobi va o kpakio nin-ndo pɛɛn. Mí la hiaw Hosa, mí la kei Aksib, mí la kɔ del o mɛmma ihɛllan coo,

³⁰mí la kɔa Umma, Afɛk a Rehɔb. Faw-faw, kobilan bidiin a latiɔn a cieon va lan o ba bɛngu-on va o lɛŋnde len nin ni.

³¹Kɛ́ va le yungula fula o polale Asɛr len nin-ndan-ndo va kon ni.

³²Mɛɛ nda mal siondei, mí bungɛi ŋɔmpumndɔɛi sionnden le bii-e yɔngun yungula yɛ́-yɛ́la fula o polale Nɛftali len nin-ndan.

³³Mí pɛɛngula lɛŋnde ndalen la can Helɛf, mí la kɔa o yálán bɛndu va Saananim-ndo, mí la kei Adami-Nekɛv a Yabneɛl, mí la kɔ tiiya Lakum, mí la kɔ mɛɛlu Yurdɛn o peelo.

³⁴Mí la kɔ tundun a ba paalen le del-lo a kpengii Asnɔt-Tabɔr-e, mí la hiaw Hukɔk. Mi la demul tàndá Sabulɔn-ndo a ba too, a tàndá Asɛr-o a ba paalen le del-lo. Yurdɛn va pɛɛngula lɛŋnde kalalen a ba paalen le can-ndo ni.

³⁵Kobila va o kpakilan nin o tàndá kon nin-ndan la yɔŋnun ndan ni: Sidim, Sɛr, Hammat, Rakat, Kinnerɛt,

³⁶Adama, Rama, Hatsɔr,

³⁷Kedɛs, Adreyii, Ɛin-Hatsɔr,

³⁸Yireon, Mikdal-Ɛl, Horɛm, Bɛt-Anat a Bɛt-Siemɛs. Faw-faw, la va kobilan tɔ́ a laŋɔmahiɔɔlu a cieon va lan o ba bɛngu-on.

³⁹Kobila lan, a cieon va lan o ba bɛngu-on yɔŋnun kɛ́ɔ le yungula fula o polale Nɛftali len nin-ndan ni.

⁴⁰Mɛɛ nda mal siondei, má ke yungula fula o polale Dan-nden nin-ndan bungɛi ŋɔmmɛwndɔɛi sionnden le bii-e.

⁴¹Pɛɛngula lɛŋnde nda sɔla len la va lan ni: Sorea, Ɛstaɔl, Ir-Siemɛs,

⁴²Saalabin, Ayalɔn, Yitla,

⁴³Elɔn, Timna, Ekrɔn,

⁴⁴Ɛlteke, Kibetɔn, Baalat,

⁴⁵Yehud, Bene-Berak, Kat-Rimɔn,

⁴⁶mɛnndan Yarkɔn, Rakɔn a tàndá co Yopé ikɛi-yo.

⁴⁷Kɛ vanaa fula o polale Dan-nden nin-nda tiwba le lɛŋnde ndalen hiɔlɔɔ le. Le hee, má kuel Lesɛm a cɔwvo, má bii kobi kon, má diw vanaa va lon-nda kpow a mɔɔn cɔwvon. Mɛɛ nda cii kobi kon biyɔɔ, má cal lon, má ke kobi kalaa diola fuɲa nda mamaa aa Dan.

⁴⁸Kobilan ndan a cieon va lan o ba bɛngu-on yɔŋnun kɛ́ɔ le yungula fula o polale Dan-nden nin-ndan ni.

⁴⁹Lɔ́ɔ́ Israɛlla cii lɛŋnden piɔw-vo, má yɔngu Yosue, po Nun-ndo lɛŋnde ndɔlen nda tɛɛn.

⁵⁰Maa mɛɛ Mɛlɛka ndóò dimi yɛ, má ke ndu kobi ndóò yeema-o, Timnat-Sera pɛɛn, o tàndá n'pembu Efraim-ndo nin. Mó mingi kobi kon tangul.

⁵¹Nuaa Eleasar vana-solia-lasálàá, Yosue po Nun-ndo a bolii lapangɛi cuavaa Israɛlla a piɔw lɛŋnden Israɛlla tɛɛn a siondei malɔɔ ni mɛɛ polama ndan ma va yɛ. Silo nda mal siondei Mɛlɛka o hɔl o cɛi-kola-toandaa-labɔɔŋianndo sondoo ni le lɛŋnde kalalen piɔwvo. Nuaa nda siow lɛŋnden piɔw ni.