Read Kissi 3Nsaŋ 1 Bible Online

3Nsaŋ 1 - Kissi bible

3Nsaŋ 1

¹Ya Bɛndu kalaa, ya co Kaius ya kaola taw o toɲaa nin-ndo sɛvallo ni.

²Caan ni ya kaola-o, màá makola nɔmndan kpow la diondu ma va kɛndia o falon nin maa mɛɛ kɔl nɔmndo co kɛndia yɛ!

³I nàŋ kɔl taw, kani puapilɛa hin má timbi seilen le toɲa co nɔm o kɔl-lo a le kela kɛndɛ n co cɔmndo o nɛi toɲaa coo-o.

⁴Ɲaale kɛ́-kɛ̀ hiw ɲaale va ya o kɔl le tueyɔɔ maa cuavaa nia co kelaa o nɛi toɲaa coo-o le.

⁵Caan ni ya kaola-o, dɛnɛ kɛndɛ bɛndoo pila n tosa le puapilɛa ni, taama-taama a co mialla-a.

⁶A dɔwnun kona a kaola nɔmndo o kɔɔ kunda vanaa laalannda o hɔl. A saa pɛ a mala nda ɲɛkɛndɛi mɛɛ Hala naŋ kɔl lɛ, le kela nda co kɔlan-ndo.

⁷Kani le Diola Maalii lan nda kɔɛ ni, a cɛl ɲɛ-ɲɛ vanaa ceenda o ba le.

⁸Lelan o bɛnda mì n mala vanaa vaa lende, haliko mi naa bɛɛ n tosa ɲɛ le toɲaa sɛŋio.

⁹I sɛval kunda vanaa laalannda sɛbɔɔ, kɛ Diotrɛf yeema simlacilen-ndo ci bɛɛ sɔɛi nii ɲɛ-ɲɛ le.

¹⁰Lelan te i hin pɛ, i cɔmnin dɛnnda o co coo lan, o co kelaa a naa o sondo, o hini kɔl te, ndu pila bii n'mial te, mo va vɛlɛ vanaa co nda biyɔɔ-a kuunaa, o co nda solio o kunda vanaa laalannda nin.

¹¹Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

¹²Vannda kpow a co diola kɛndɛla Demetrius lan dimio. Toɲaa pila bɛɛ co lan dimio. Naa bɛɛ, n sínà maa toɲaa sɔɔn naa n dimi-on co ni.

¹³I nɔ sɔɔn taw le nɔm dimullo, kɛ i yeema mi sɛval nɔm mun o sɛbɛ coo a lekpɛki le.

¹⁴I nɔ kɔlkɛsiaa maa i co nɔm komal vaalio pum, mì n kɔ suukan.

¹⁵Màá va o kɔlɲulu nin fɔ́! Caaŋaa naa co nanu-a yil nɔm lapi. Yil-la caaŋaa naa co lon-nda a pilɛn-pilɛnnda.