Read Kivunjo New Testament 1999 1 Watesalonikye 1 Bible Online

1 Watesalonikye 1 - Kivunjo New Testament 1999 bible

1 Watesalonikye 1

¹Inyi Paulo na Silyiwano na Timoteo lumuṟeia paruo nyoe siṟi ya Watesalonikye, ikyeri kyiiṙi kya Ruwa Awu, na kyiiṙi kya Mndumii Yesu Kristo. Isaṟia lyikae konyu na ufoṟo.

²Lokyeana Ruwa mfiri yoose kyipfa kyanyu nyoe moose, lochimusenda shiterewonyi shaṙu.

³Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

⁴Cha kyipfa, wana wa wama muwakunde nyi Ruwa, luichi kya wusambuṟe wonyu.

⁵Kye Ndumi Ngyicha lulemuongoya iwekyeri kui maṙeṙo tikyi-pfo, indi na kui pfinya, na Mumuyonyi Mweele, kui iṟingyishia na pata kye ulogo-lu nyi lo loi. Chandu muichi chandu mkaṟo yaṙu iwekyeri konyu, kyipfa kyanyu.

⁶Na nyoe mukoluosha na iosha Mndumii, momuambilyie Ṙeṙo lya Ruwa kyiiṙi kya ilya wukyiwa, hamwi na sia ya Mumuyo Mweele.

⁷Mṟasa mukowa mfano mcha ko wandu woose waiṙikyie Yesu urukyenyi lo Makyedonia na Akaya.

⁸Kyipfa iwuka konyu Ṙeṙo lya Ruwa lyileṟuma, chi Makyedonia na Akaya tupu-pfo, indi na orio handu iiṙikyia lyanyu muwoṙe ko Ruwa lyileshika; maa kuwoṙe kyimaṙuma soe ionguo kyindo kyoose-pfo.

⁹Cha kyipfa wo wawenyi waionguo mbonyi tsaṙu, chandu mbonyi tsaṙu tsilewa kyiyeri lulecha na konyu; na chandu muleindukyia Ruwa mukolekana na mafano, kundu muṟundie Ruwa ai na moo, o loi.

¹⁰Na iweṙelyia Mono-kye iwuka Ruwewu, ulya alemṟutsa iwuka ko wapfu, na oe nyi Yesu, echilushingyia lulaolokyio nyi nyashi ya Ruwa iya iicha.