Read Kivunjo New Testament 1999 2 Watesalonikye 1 Bible Online

2 Watesalonikye 1 - Kivunjo New Testament 1999 bible

2 Watesalonikye 1

¹Inyi Paulo hamwi na Silyiwano, na Timoteo, loṟeia paruo-i ko siṟi ya Watesalonikye, ikyeri kyiiṙi kya Ruwa Awu, na kyiiṙi kya Mndumii Yesu Kristo.

²Isaṟia lyikae konyu na ufoṟo uwukyie ko Ruwa Awu, na ko Mndumii Yesu Kristo.

³Wana wa wama, kyalukooya iana Ruwa mfiri yoose kyipfa kyanyu, chandu kyiwaṟi, cha kyipfa iiṙikyia lyanyu lyiengyeṟika mnu, na ikunda lya orio mndu konyu ko oṙoe lyang'ana.

⁴Mṟasa na soe luwenyi lukushela kyipfa kyanyu siṟinyi tsa Ruwa kyipfa kya isimiria lyanyu, na iiṙikyia muwoṙe fowenyi tsanyu tsoose na wukyiwa wung'anyi muikarishia.

⁵Nyikyo kyiṟingyishio kya sungusinyi kya ianduyo lyikyeri wusumganyi wo Ruwa, kundu mutalyio kye kyimmbaṟi iiṙa na Wumangyinyi wo Ruwa, iwo womuenenga ilyiso wukyiwa.

⁶Cha kyipfa nyi necha mbele ya Ruwa ilyisa wukyiwa walya waimulyisa wukyiwa nyoe;

⁷na imutaa nyoe muilyiso wukyiwa sia hamwi na soe; kyiyeri kya iloṟo lya Mndumii Yesu iwuka ruwewu hamwi na malaika wa wuiṙimi wokye.

⁸Nesoka moṙonyi wuiaka; kunu echitaa kyiṟaache iwo walaichi Ruwa, na iwo walaindie Ndumi Ngyicha ya Mndumii oṙu Yesu.

⁹Wechianduyo kui irumatso lya mlungana, iwiko kuleshi na kyaam kya Mndumii na mng'ano o pfinya tsakye.

¹⁰Oe kyiyeri echicha kundu nang'anyiso wandunyi wa Ruwa, na kochiwaṙa iṟiyio lying'anyi kyiiṙi kya woose waleiṙikyia mfiri ulya (kyipfa wuṟingyishi woṙu wuleiṙikyio konyu.)

¹¹Koikyo lumuterewia nyoe mfiri yoose, kundu Ruwa oṙu namutale kye muwaṟi ilago lyanyu, kaafutsia orio njia ya wucha na orio iṟunda lya iiṙikyia kui pfinya.

¹²Rina lya Mndumii oṙu Yesu lying'anyiso mrimenyi konyu, na nyoe kyiiṙi kyakye, kui isaṟia lya Ruwa oṙu na lya Mndumii Yesu Kristo.