Read Kivunjo New Testament 1999 Waebrania 3 Bible Online

Waebrania 3 - Kivunjo New Testament 1999 bible

Waebrania 3

¹Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

²awekyeafutsia shilya ateṟia ko ulya alemsambuṟa naṟunde iṟunda lyakye, chandu Mose na oe awekyeri, kyiyeri alesongoya wandu wa Ruwa.

³Kyipfa Yesu natalo kye nawaṟi kyiṟumi ngoseṟa kuta Mose, chandu ulya ekyewika numba awoṙe woguru kuta numba-yo.

⁴Kyipfa orio numba ingyiwikye nyi mndu; indi ulya aleachikyia shindo shoose nyi Ruwa.

⁵Na Mose loi naleafutsia shilya aleteṟia kyiyeri alesongoya wandu woose wa Ruwa cha mṟundi, nawe wuṟingyishi wo shindo shechigambo numa ya iho,

⁶indi Kristo, cha mana ekyechilyia numba ya Ruwa; ulya numba yakye ikyeri nyi soe, kokooya loengyeṟa iwaṙa wuṟango na wukari na ikushela lya iweṙelyia lyaṙu mṟasa mafurumionyi.

⁷Koikyo, chandu Mumuyo Mweele agamba, “Inu, kokooya moicho ṟui lyakye.

⁸Maa mulaumiṟe mrima yanyu, chandu waku wanyu walelega Ruwa, kyiyeri kya iyesho kulya nukyenyi ngyuumu suwaa ilawoṙe maa mṟinga,

⁹Kyiyeri-kyo waku wanyu walengyiyesha, wakawona mawuto gako maka makumi gaana.

¹⁰Koikyo rika-lyi lyilengyipfulutsa nyashi, ngagamba, mfiri yoose nyi wandu wawoṙe mrima iṙekyie; walemanya mbonyi tsako-pfo.

¹¹Chandu ngyilelya nyamu kui nyashi, ‘Wechiiṙa na handu hako heonyonyia-pfo.’ ”

¹²Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

¹³Kyaindi mututumane orio mfiri; kundu maa umwi onyu alawaṙe mrima muumu kui wulembi wo wunyamaṟi.

¹⁴Cha kyipfa lowa wandu wekyekaa handu hamwi na Kristo, kokooya lokuwaṙa tapu na kyilya luleloṟa kyiyeri lulewooka iiṙikyia Yesu mṟasa mafurumionyi.

¹⁵Iho-ndu kyekyegambo, “Inu kokooya moicho ṟui lyakye Maa mulaumiṟe mrima yanyu, cha kyiyeri kyilya kyelega Ruwa.”

¹⁶Kyipfa nyi wakyi walengyipfulutsa nyashi, kyiyeri waleicho? Chi walya walewuka Misiri wechisongoyo nyi Mose-pfoe?

¹⁷Lyingyi-se nyi wakyi walepfulutsa Ruwa nyashi maka makumi gaana? Chi walya waleṙeko, walya mnying'a yawo ileoloka nukyenyi ngyuumu suwaa ilawoṙe maa mṟinga?

¹⁸Lyingyi-se nyi wakyi Ruwa alewalyiia nyamu kye wechiiṙa na handu hakye heonyonyia, sile walya walemlega?

¹⁹Kyasia, lowona kye waleiṙima iiṙa na kulya urukyenyi-pfo kyipfa walelega iiṙikyia Ruwa.