Read Kivunjo New Testament 1999 1 Yohane 1 Bible Online

1 Yohane 1 - Kivunjo New Testament 1999 bible

1 Yohane 1

¹Lumuṟeia nyoe mbonyi tsa Ṙeṙo lyekyeende moo, lyiwekyeri pfo wookyia mawookyionyi. Ṙeṙo lyilya lulelyiicho, lulelyiwona kui meso gaṙu, lukolyiambuya, na mawoko gaṙu gakalyipaaya-paya.

²(Na moo-cho uleloṟo, na soe luleuwona; lyingyi-se luiṟingyishia, na imuongoya nyoe moo ulya o mlungana, uwekyeri ko Awu, ukoloṟo koṙu.)

³Lumuongoya nyoe Ṙeṙo lyilya lulelyiwona na ilyiicho, kundu na nyoe taa muiṙime ikaa hamwi na soe; na ikaa lyaṙu handu hamwi nyi hamwi na Awu, hamwi na Mono-kye Yesu Kristo.

⁴Na ishi lushiṟeia, kundu sia yaṙu iafutsio.

⁵Na itsi nyitso mbonyi luleicho ko Yesu, na itsionguo konyu, kye Ruwa nyi ngyeela, maa meema oose ukyeri kokye-pfo.

⁶Lukogamba kye lukyeri handu hamwi na oe, kyaindi lukowaṙa mkaṟo ya meema, loṙeṙa wongo, maa luiwuta kyikyeri kya loi-pfo.

⁷Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.

⁸Lukogamba kye luwoṙe wunyamaṟi-pfo, lokulemba luwenyi, maa kuwoṙe wuloi koṙu-pfo.

⁹Lukotochia Ruwa ngyuunyamaṟi tsaṙu, oe nekyeafutsia shilya ateṟia na namsumganyi mṟasa naluwute ngyuunyamaṟi tsaṙu, na ilusanja wuwicho woose.

¹⁰Lukogamba kye lunyamaṟie-pfo, lomgaluo oe mndu ekyeṙeṙa wongo, maa kyilya agamba kyikyeri koṙu-pfo.