Read Kodava ಜ್ಞಾನತ್‌ರ ಪಡಿಮ 24 Bible Online

ಜ್ಞಾನತ್‌ರ ಪಡಿಮ 24 - Kodava bible

ಜ್ಞಾನತ್‌ರ ಪಡಿಮ 24

¹ದುಷ್ಟಂಗಡ ವಿಷಯತ್‌ ಹೊಟ್ಟೆಕಿಚ್ಚ್‌ ಪಡಂಡ. ಅಯಿಂಗಡ ಕೂಡೆ ಇಪ್ಪಕು ಕುಶಿ ಪಡಂಡ.

²ಅಯಿಂಗಡ ಮನಸ್ಸ್‌ ಹಿಂಸೆ ಮಾಡ್‌ವಕ್‌ ಗೇನ ಮಾಡಿಯಂಡಿಪ್ಪ. ಅಯಿಂಗಡ ಕಿರಿ ಕ್‍ೕಡ್‌ನ ಪರಿವ.

³ಜ್ಞಾನತ್‌ರಗುಂಡ್‌ ಒರ್‌ ಮನೆನ ಕೆಟ್ಟುವ. ವಿವೇಕತ್‌ರಗುಂಡ್‌ ಅದ್‌ ನೆಲೆನಿಪ್ಪ.

⁴ಅರಿವುಯಿಂಜ ಕೋಂಬರೆಲೆಲ್ಲಾ ಬೆಲೆಯುಳ್ಳ ಪಿಂಞ ಚಾಯಿಯುಳ್ಳ ಎಲ್ಲಾ ತರತ್‌ರ ಐಷ್ವರ್ಯತ್‌ಂಜ ದುಂಬಿತ್‌ಪ್ಪ.

⁵ಜ್ಞಾನ ಉಳ್ಳಂವೊನೇ ಶಕ್ತಿ ಉಳ್ಳಂವೊ. ಅರಿವು ಉಳ್ಳಂವೊ ತಾಂಡ ಬಲತ್‌ನ ಜಾಸ್ತಿ ಮಾಡುವ.

⁶ನಲ್ಲ ಆಲೋಚನೆನ ಕ್‍ೕಟಿತ್‌ ಯುದ್ದ ಮಾಡ್. ದುಂಬ ಆಲೋಚನೆಕಾರಂಗ ಇಂಜತೇಂಗಿ ಜಯ ಕ್‌ಟ್ಟುವ.

⁷ಜ್ಞಾನ ಮೂಡಂಗ್‌ ಎತ್ತುವಕಯ್ಯತ ಎತ್ತ್‌ರತ್‌ಲ್‌ ಉಂಡ್. ನ್ಯಾಯ ತ್‍ೕಪ ಜಾಗತ್‌ಲ್‌ ಅಂವೊ ಬಾಯಿ ತೊರ್ಪುಲೆ.

⁸ಕ್‍ೕಡ್‌ನ ಮಾಡ್‌ವಕ್‌ ಗೇನ ಮಾಡ್‌ವಂವೊಂನ ಜನ ದುಷ್ಟಾಂದ್‌ ಕಾಕುವ.

⁹ಮೂಡತನತ್‌ರ ಯೋಜನೆಯೆಲ್ಲಾ ಪಾಪವೇ. ಪರಿಹಾಸ ಮಾಡ್‌ವಂವೊನ ಜನ ಅಸಹ್ಯ ಪಡುವ.

¹⁰ಇಕ್ಕಟ್‌ರ ಸಮಯತ್‌ ನೀನ್‌ ಕುಂದಿಪೋನಕ, ನೀನ್‌ ನೇರಾಯಿತು ಬಲಹೀನನೇ.

¹¹ಚಾವ್‌ಕ್‌ ಒಪ್ಪ್‌ಚಿಟ್ಟಯಿಂಗಳ ಪಿಂಞ ಕೊಲ್ಲ್‌ವಕ್‌ ಗೊತ್ತ್‌ ಮಾಡ್‌ನಯಿಂಗಳ ತಪ್ಪ್‌ಚಿಡ್‌ವಕ್‌ ಕಯ್ಯುವದಾಚೇಂಗಿ ಅದ್‌ನ ಮಾಡ್.

¹²ಇದ್‌ಂಡ ವಿಷಯ ನಂಗಕ್‌ ಒಂದು ಗೊತ್ತ್‌ಲ್ಲೇಂದ್‌ ಎಣ್ಣ್‌ಚೇಂಗಿ, ಹೃದಯತ್‌ನೆಲ್ಲಾ ಪರೀಕ್ಷೆ ಮಾಡ್‌ವಂವೊಂಗ್‌ ಅರಿಯತೆ ಇಪ್ಪೊ? ನೀಡ ಆತ್ಮತ್‌ನ ಕಾಪಂವೊಂಗ್‌ ಗೊತ್ತಿಲ್ಲತೆ ಇಪ್ಪೊ? ಒಬ್ಬೊಬ್ಬನು ಮಾಡುವ ಕಾರ್ಯಕ್‌ ತಕ್ಕಂತ ಪ್ರತಿಫಲ ಕೊಡ್‌ಕತೆ ಇಪ್ಪೊ?

¹³ನಾಡ ಮೋನೇ, ತೇನ್ನ ತಿನ್ನ್, ಅದ್‌ ನಲ್ಲದ್. ತೇನೆರಿಯಿಂಜ ಚೋರುವ ತೇನ್‌ ನೀಡ ಬಾಯಿಕ್‌ ಮೊದ್ರವಾಯಿತ್‌ ಇಪ್ಪ.

¹⁴ಅನ್ನನೆ ಜ್ಞಾನವು ನೀಡ ಆತ್ಮಕ್‌ ಸುಕವಾಯಿತ್‌ ಇಪ್ಪಾಂದ್‌ ಗೊತ್ತಿರಡ್. ಅದ್‌ನ ಪಡ್‌ಂದತೇಂಗಿ ಮಿಂಞತ್‌ರ ಬದ್‌ಕ್‌ ನೀಕ್‌ ಸಹಾಯ ಆಪ. ನೀಡ ನಿರೀಕ್ಷೆ ಪಾಳಾಪುಲೆ.

¹⁵ದುಷ್ಟನೇ, ನೀತಿವಂತಂವೊಂಡ ಮನೆಕ್‌ ವಿರೋದವಾಯಿತ್‌ ಪದ್‌ಂಗಿ ಇರತೆ. ಅಂವೊ ವಾಸಮಾಡುವ ಜಾಗತ್‌ನ ಪಾಳ್ಮಾಡತೆ.

¹⁶ಎನ್ನಂಗೆಣ್ಣ್‌ಚೇಂಗಿ ನೀತಿವಂತಂವೊ ಏಳ್‌ ಕುರಿ ಬುದ್ದತೇಂಗಿಯು ಪುನಃ ಎದ್ದಿತ್‌ ನಿಪ್ಪ. ಆಚೇಂಗಿ ದುಷ್ಟಂಗ ಕ್‍ೕಡ್‌ಲ್‌ ಬುದ್ದಿತ್‌ ಅನ್ನೆನ ಇಪ್ಪ.

¹⁷ನೀಡ ವಿರೋದಿ ಬೂವಕ ಕುಶಿ ಪಡತೆ. ಅಂವೊ ತಡ್‌ಕಿತ್‌ ಬೂವಕ ಸಂತೋಷ ಪಡತೆ.

¹⁸ಯೆಹೋವ ನೀನ್‌ ಸಂತೋಷಪಡುವದ್‌ನ ಕಂಡಿತ್, ಅದ್‌ನ ಕುಶಿಪಡುಲೆ. ಅಕ್ಕ ವಿರೋದಿಯಡ ಮೇಲೆ ಉಳ್ಳ ಚೆಡಿನ ನೀಕಿರುವ.

¹⁹ಕ್‍ೕಡ್‌ ಮಾಡ್‌ವಯಿಂಗಡ ವಿಷಯತ್‌ ಚೆಡಿ ಮಾಡಿಯೊತೆ. ದುಷ್ಟಂಗಡ ಮೇಲೆ ಹೊಟ್ಟೆಕಿಚ್ಚ್‌ ಪಡತೆ.

²⁰ಕ್‍ೕಡ್‌ ಮಾಡ್‌ವಯಿಂಗಕ್‌ ಮಿಂಞಕ್‌ ಬದ್‌ಕ್‌ ಒಂದು ಇಲ್ಲೆ. ದುಷ್ಟಂಗಡ ಬೊಳ್‌ಚ ಆರಿ ಪೋಪ.

²¹ನಾಡ ಮೋನೇ, ಯೆಹೋವಂಗು, ರಾಜಂಗು ಬೊತ್ತಿತ್‌ ನಡೆ. ಅಯಿಂಗ ದಂಡಾಳ್‌ನ ವಿರೋದಿಚಿಡುವ ಜನಡ ಕೂಡೆ ಕೂಡತೆ.

²²ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್‌ ಇಂಜನೆಕೆ ಅಪಾಯ ಬಪ್ಪ, ಅಯಿಂಗಡಿಂಜ ಬಪ್ಪ ಕ್‍ೕಡ್‌ ದಾರ್‌ಕ್‌ ಗೊತ್ತೊಂಡ್?

²³ಇಂಞು ಚೆನ್ನ ಜ್ಞಾನವುಳ್ಳಂವೊಂಡ ತಕ್ಕ್: ನ್ಯಾಯತೀರ್‌ಪ್‌ ಕೊಡ್‌ಪಕ ಪಕ್ಷಪಾತ ನಲ್ಲದಿಲ್ಲೆ.

²⁴ದುಷ್ಟನ ನೋಟಿತ್: ನೀನ್‌ ಒರ್‌ ಕುತ್ತವು ಮಾಡಿತ್‌ಲ್ಲೆಂದ್‌ ಎಣ್ಣ್‌ವಂವೊಂಗ್‌ ಜನ ಶಾಪ ಇಡುವ. ಜನಾಂಗ ಅಂವೊನ ದ್ವೇಷ ಮಾಡುವ.

²⁵ಆಚೇಂಗಿ ಅಪರಾದಿನ ದಂಡ್‌ಚಿಡುವಂವೊನ ಮೆಚ್ಚುವ. ಅಂವೊಂಗ್‌ ಉತ್ತಮವಾನ ಆಶೀರ್ವಾದ ಕ್‌ಟ್ಟುವ.

²⁶ನೇರಾನ ಉತ್ತರ ತುಟಿಕ್‌ ಮುತ್ತ್‌ ಕೊಡ್‌ತನೆಕೆ.

²⁷ಸುರುಲ್‌ ಪೊರಮೆ ಉಳ್ಳ ಪಣಿನ ಮಾಡ್, ಬಯ್ಯ ಬೇಲ್‌ನ ತಯಾರ್‌ ಮಾಡ್, ಅಲ್ಲಿಂಜ ನೀಡ ಮನೆನ ಕೆಟ್ಟ್.

²⁸ಕಾರಣಯಿಲ್ಲತೆ ಒಬ್ಬಂಗ್‌ ವಿರೋದವಾಯಿತ್‌ ಸಾಕ್ಷಿ ಎಣ್ಣ್‌ತೆ, ನೀಡ ತಕ್ಕ್‌ಯಿಂಜ ವಂಚನೆ ಮಾಡತೆ.

²⁹ಅಂವೊ ನಾಕ್‍ ಕ್‍ೕಡ್‌ ಮಾಡ್‌ನನೆಕೆ ನಾನು ಅಂವೊಂಗ್‌ ಮಾಡುವಿ, ಅಂವೊ ಮಾಡ್‌ನ ಕ್‍ೕಡ್‌ಕ್‌ ಸೆರಿಯಾಯಿತ್‌ ಪಗೆ ತ್‍ೕಪೀಂದ್‌ ಎಣ್ಣತೆ.

³⁰ಸೋಮಾರಿರ ಬೇಲ್‌ರ ಕಡೆಯು, ದಡ್ಡಂಡ ದ್ರಾಕ್ಷಿತೋಟತ್‌ರ ಪಕ್ಕವು ನಡ್‌ಂದ್‌ ಪೋನ.

³¹ಅದಾ, ಆ ಬೇಲ್‌ಲ್‌ ಮುಳ್ಳ್‌ಗಿಡವು ಕಚಡವು ಬೊಳ್‌ಂದಿತಿಂಜತ್. ಅದ್‌ಂಡ ಕಲ್ಲ್‌ರ ಗೋಡೆ ಬುದ್ದ್‌ಪೋಯಿತ್ತಿಂಜತ್.

³²ಅದ್‌ನ ಕಂಡಿತ್‌ ಗೇನ ಮಾಡ್‌ನ. ಅದ್‌ನ ನೋಟಿತ್‌ ಪಾಠ ಪಡ್‌ಚಂಡ:

³³ಇಂಞು ಚೆನ್ನ ನೇರ ವರ್ವಿ, ಇಂಞು ಚೆನ್ನ ನೇರ ಆರಾಮ್‌ ಮಾಡುವಿ, ಇಂಞು ಚೆನ್ನ ನೇರ ಕೈಯಿನ ಮಡ್‌ಕಿತ್‌ ವರಿಯೊವೀಂದ್‌ ಎಣ್ಣುವಿಯಾ?

³⁴ಅಕ್ಕ, ಬಡತನ ದರೋಡೆಕಾರಂಡನೆಕೆ ಇಂಜನೆಕೆ ಬಪ್ಪ. ಅಂವೊಂಡ ಸ್ತಿತಿಗತಿ[13] ದರೋಡೆಕಾರ ಬಂದಿತ್‌ ಉಳ್ಳದ್‌ನೆಲ್ಲ ಎಡ್‌ತಂಡ್‌ ಪೋನನೆಕೆ ಇಪ್.