Read Kodava ಕೊಲೊಸ್ಸೆ 2 Bible Online

ಕೊಲೊಸ್ಸೆ 2 - Kodava bible

ಕೊಲೊಸ್ಸೆ 2

¹ನಿಂಗಕಾಯಿತು, ಲವೊದಿಯಕೆ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತು ಪಿಂಞ ನನ್ನ ಇಲ್ಲಿಕತ್ತನೆ ಕಾಂಗತಯಿಂಗಕಾಯಿತು ನಾನ್ ಎಚ್ಚಕ್ ಪೋರಾಟತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತಾಂಡೂಂದ್ ನಾಡ ಆಸೆ.

²ನಾಡ ಕುಶಿ ಎಂತ ಎಣ್ಣ್‌ಚೇಂಗಿ, ಅಯಿಂಗಕ್ ಪುರ್‌ಡ್ ಕ್‍ಟ್ಟಿತ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪ್ರೀತಿಲ್ ಒಂದಾಯಿತ್ ಇರಂಡೂಂದ್ ಉಳ್ಳದೇ. ಪಿಂಞ ದೇವಡ ಗುಟ್ಟಾನ ಕ್ರಿಸ್ತನ ಅಯಿಂಗಕ್ ಪೂರ್ತಿ ನಿಶ್ಚಯವಾಯಿತ್ ಅರ್ಥ ಮಾಡ್‍ವಕಯ್ಯೂಂದ್ ಉಳ್ಳ ನಂಬಿಕೆ ಅಯಿಂಗಕ್ ಇರಂಡು.

³ಕ್ರಿಸ್ತಂಡ ಒಳ್‌ಲೇ ಎಲ್ಲಾ ಜ್ಞಾನ ಪಿಂಞ ಬುದ್ದಿ ಎಣ್ಣುವ ಬಂಡಾರ ಮುಚ್ಚಿತುಂಡ್.

⁴ದಾರೂ ನಿಂಗಳ ತಪ್ಪಾನ ತರ್ಕ ಮಾಡಿತ್ ವಂಚನೆ ಮಾಡ್‌ವಕ್ಕಾಗಾಂದ್ ಇದ್‍ನ ನಾನ್ ನಿಂಗಕ್ ಎಣ್ಣಿಯಂಡುಳ್ಳ.

⁵ನಾನ್ ನಿಂಗಡ ಕೂಡೆ ತಡೀಲ್ ಇಲ್ಲತ ಪೋಚೇಂಗಿಯು, ನಾಡ ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳ. ನಿಂಗ ಎನ್ನನೆ ಬದ್‍ಕಂಡುವೊ ಅನ್ನನೆ ನಿಂಗ ಬದ್‍ಕಿಯಂಡ್ ಉಳ್ಳಾಂಗು, ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಂಬಿಕೆ ದೃಡವಾಯಿತ್ ಉಳ್ಳಾಂಗು ನಾನ್ ದುಂಬ ಕುಶಿಪಟ್ಟಂಡುಳ್ಳ.

⁶ಆನಗುಂಡ್, ಕ್ರಿಸ್ತ ಯೇಸುನ ನಿಂಗ ಎನ್ನನೆ ಒಡೆಯನಾಯಿತ್ ಸ್ವೀಕಾರ ಮಾಡಿರೋ, ಅನ್ನನೆ ಅಂವೊಂಡಲ್ಲಿ ಬದ್‍ಕಂಡು.

⁷ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

⁸ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

⁹ಎನ್ನಂಗೆಣ್ಣ್‌ಚೇಂಗಿ, ದೇವಕ್ ಬೋಂಡಿಯಾನ ಎಲ್ಲಾ ಗುಣವು ಕ್ರಿಸ್ತಂಡ ತಡೀಲ್ ವಾಸ ಮಾಡಿಯಂಡ್ ಉಂಡ್.

¹⁰ನಿಂಗ ಕ್ರಿಸ್ತಂಡ ಕೂಡೆ ಒಂದಾನಗುಂಡ್, ನಿಂಗಕ್ ಪೂರ್ಣವಾನ ಬದ್‍ಕ್‍ನ ಅಂವೊ ತಂದಿತುಂಡ್. ಅಂವೊ ಎಲ್ಲಾ ಆತ್ಮೀಕ ಅದಿಕಾರಕು, ಎಲ್ಲಾ ಶಕ್ತಿಕು ಮಂಡೆಯಾಯಿತುಂಡ್.

¹¹ಅದಲ್ಲತೆ, ನಿಂಗ ಕ್ರಿಸ್ತಂಡಲ್ಲಿ ಉಳ್ಳಗುಂಡ್, ಯೆಹೂದ್ಯಂಗ, ತಡೀಲ್ ಮಾಡ್‌ವ ಸುನ್ನತಿರನೆಕೆ ಅಲ್ಲ, ಆಚೇಂಗಿ ತಡೀಲ್ ಪಾಪ ವಾಸ ಮಾಡ್‌ವ ನಂಗಡ ಪಾಪತ್‍ರ ಗುಣತ್‍ನ ಕೆತ್ತಿತ್ ಕಳೆಯುವನೆಕೆ ಕ್ರಿಸ್ತಂಡಿಲ್ಲಿ ಆತ್ಮೀಯ ಸುನ್ನತಿ ಪಡ್ಂದಿತುಳ್ಳಿರ.

¹²ನಿಂಗ ದೀಕ್ಷಾಸ್ನಾನ ಎಡ್‍ಪಕ, ಕ್ರಿಸ್ತಂಡ ಕೂಡೆ ಪೋಪನೆಕೆ ಪೋಯಿತ್ ಪಾಪತ್‍ರ ಚಾವ್ ತಡೀನ ಕುಂಡ್‌ಕ್ ಇಟ್ಟನೆಕೆ ಆಚಿ. ಅನ್ನನೆ ದೀಕ್ಷಾಸ್ನಾನತ್ಂಜ ನಿಂಗಳ ಅಂವೊಂಡ ಕೂಡೆ ಪುದಿಯ ಬದ್‍ಕ್‍ಕಾಯಿತ್ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತಂಡ ತಡೀನ ಚಾವ್‍ಯಿಂಜ ಪುನಃ ಜೀವತ್‍ಲ್ ಎಪ್ಪ್‌ಚಿಟ್ಟ ದೇವಡ ಬಲ್ಯ ಶಕ್ತಿನ ನಿಂಗ ನಂಬಿತುಳ್ಳಿರ.

¹³ನಿಂಗ, ನಿಂಗಡ ಪಾಪತ್‍ರಗುಂಡ್ ಪಿಂಞ ನಿಂಗಡ ಪಾಪತ್‍ರ ಗುಣ ನಿಂಗಳ ಬುಟ್ಟಿತ್ ಪೋಕತಗುಂಡ್ ಆತ್ಮೀಯ ಸುನ್ನತಿ ಮಾಡತಯಿಂಗಳಾಯಿತ್ ಚತ್ತ್ ಪೋಯಿತ್ಂಜಿರ. ಆಚೇಂಗಿ, ಕ್ರಿಸ್ತಂಡ ಕೂಡೆ ದೇವ ನಿಂಗಳ ಎಪ್ಪಿತ್ ಬದ್‍ಕ್‍ವಕ್ ಮಾಡಿತ್, ನಿಂಗಡ ಎಲ್ಲಾ ಪಾಪತ್‍ನ ಮನ್ನಿಚಿಟ್ಟಿತ್,

¹⁴ನಂಗ ನ್ಯಾಯಪ್ರಮಾಣತ್‍ರನೆಕೆ ಮಾಡತಗುಂಡ್ ನಂಗಕ್ ವಿರೋದವಾಯಿತ್ ಇಂಜ ಪಿಂಞ ಅದ್‍ನಗುಂಡ್ ನಂಗಕ್ ಒಳ್‍ದಿ ಬೆಚ್ಚಿತ್ಂಜ ಅಪರಾದತ್‍ನ ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ ಎಡ್‍ತಿತ್ ಕ್ರಿಸ್ತನ ಶಿಲುಬೇಲ್ ಇಟ್ಟಿತ್ ಆಣಿ ಅಡಿಪಕ ಆ ಆಣಿಲ್ ಅಡಿಚಿರ್‌ತ್.

¹⁵ಆ ಶಿಲುಬೇಲ್, ಕ್ರಿಸ್ತ ಅಂವೊನ ಪುಡ್‍ಚಿ ಬೆಚ್ಚಿತ್ಂಜ ಎಲ್ಲಾ ಶಕ್ತಿನ, ದೆವ್ವತ್‍ರ ಅದಿಕಾರತ್‍ನ ಒರ್ ಶಕ್ತಿಯು ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ, ಅಂವೊಂಡ ಕೈಯಿಕ್ ಕ್‍ಟ್ಟ್‌ನನೆಕೆ ಎಲ್ಲಾಡ ಮಿಂಞ ಎಲ್ಲಾರು ಕಾಂಬನೆಕೆ ಅದ್‍ನೆಲ್ಲಾ ಕೊಂಡ್ ಬಂದಿತ್ ಶಿಲುಬೇರೆ ಮೇಲೆ ಅಯಿಂಗಳ ಗೆದ್ದತ್.

¹⁶ಆನಗುಂಡ್, ನಿಂಗ ತಿಂಬಕುಳ್ಳ ವಿಷಯವಾಡ್, ಕುಡಿಪಕುಳ್ಳ ವಿಷಯವಾಡ್, ನಮ್ಮೆ ಮಾಡ್‌ವ ವಿಷಯವಾಡ್, ಕರ್ತಬಾವುರ ವಿಷಯವಾಡ್, ಸಬ್ಬತ್ ದಿವಸತ್‍ರ ವಿಷಯವಾಡ್, ದಾರೂ ನಿಂಗಳ ತೀರ್ಪ್ ಮಾಡತೆ ಇರಡ್.

¹⁷ಇದೆಲ್ಲಾ, ಇಂಞು ಮಿಂಞಕ್ ಬಪ್ಪಕುಳ್ಳ ವಿಷಯಕ್ ನೆಳರ್‌ನೆಕೆ ಉಂಡ್. ಸತ್ಯ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತನೇ.

¹⁸ದಾರೂ ನಿಂಗಳ, ನಿಂಗಡ ಇನಾಮ್‍ನ ಕಳೆಂದ್ ಪೋಪನೆಕೆ ವಂಚನೆ ಮಾಡ್‌ವಕ್ ಬುಡತಿ; ಅಯಿಂಗ ದಾರ್ ಎಣ್ಣ್‌ಚೇಂಗಿ, ವಂಚನೆ ಮಾಡ್‌ವ ತಾಳ್ಮೆಲ್ ಇಪ್ಪನೆಕೆ ಕಾಟಿಯಂಡ್, ದೇವದೂತಂಗಳ ಆರಾದನೆ ಮಾಡ್‌ವಕ್ ಕುಶಿಪಟ್ಟಂಡ್, ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ನುಗ್ಗಿತ್ ಪಿಂಞ ಅಯಿಂಗ ತಡೀರ ಗೇನತ್‍ಲ್ ಒರ್ ಕಾರಣವು ಇಲ್ಲತೆ ಗರ್ವ ಪಡ್‌ವಯಿಂಗಳಾಯಿತ್ ಉಂಡ್.

¹⁹ಆತ್ಮೀಯ ತಡಿಕ್ ಮಂಡೆಯಾಯಿತುಳ್ಳ ಕ್ರಿಸ್ತಂಡ ಅಡಿಲ್ ಇಪ್ಪಕ್ ಅಯಿಂಗಕ್ ಕುಶಿ ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತ, ನಂಗಡ ಪೂರ್ತಿ ಆತ್ಮೀಯ ತಡಿ ಬೊಳಿವಕ್ ಶಕ್ತಿ ಕೊಡ್‌ತಿತ್, ತಡೀರ ಮುಟ್ಟ್ ಪಿಂಞ ಯರ್ಚಿಕಂಡ, ಒಂದಿಂಜ ಒಂದ್ ಬುಟ್ಟ್ ಪೋಕತೆ ಕೂಡಿತ್ ಇಪ್ಪನೆಕೆ ಮಾಡಿತ್, ಅಂವೊ ಕುಶಿ ಪಡುವನೆಕೆ ಬೊಳಿವಕ್ ಮಾಡಿಯಂಡುಂಡ್.

²⁰ನಿಂಗ ಕ್ರಿಸ್ತಂಡ ಕೂಡೆ ಚತ್ತ್ ಪೋಯಿತ್, ಈ ಲೋಕತ್‍ರ ಆತ್ಮತ್‍ರ ಅದಿಕಾರತ್ಂಜ ಬುಡುಗಡೆ ಆಯಿತುಳ್ಳಿರ. ಪಿಂಞ ಎನ್ನಂಗ್, ನಿಂಗ ಇಂಞು ಇನ್ನನೆ ಮಾಡ್‌ವಕ್ಕಾಗ, ಇದ್‍ನ ತಿಂಬಕ್ಕಾಗ, ಇದ್‍ನ ಮುಟ್ಟುವಕ್ಕಾಗಾಂದ್ ಈ ಲೋಕತ್‍ರ ನೇಮತ್‍ರನೆಕೆ ಬದ್‌ಕಿಯಂಡುಳ್ಳಿರ?

²²ಇದ್‍ನೆಲ್ಲಾ ಉಪಯೋಗಿಚಿಡ್‌ವಕ, ಪಾಳಾಯಿ ಪೋಪ ಅಲ್ಲ? ಎನ್ನಂಗೆಣ್ಣ್‌ಚೇಂಗಿ, ಇದೆಲ್ಲಾ ಮನುಷ್ಯಂಗಡ ಆಚಾರ ಪಿಂಞ ಬೋದನೆಯಾಯಿತ್ ಉಂಡ್.

²³ಈ ತರತ್‍ರ ಬೋದನೆಯೆಲ್ಲಾ ಅಯಿಂಗಳೇ ಮಾಡ್‍ನ ಮಾರ್ಗವಾಯಿತ್, ಪೊರಮೆ ತಾಳ್ಮೆ ಉಳ್ಳಯಿಂಗಾಂದ್ ಕಾಂಬ್‌ಚಿಡ್‍ವಕಾಯಿತ್, ತಡೀನ ಚಾಯಿ ಮಾಡಂಡೂಂದ್ ಅದ್ಂಗ್ ಶಿಕ್ಷೆ ಕೊಡ್‍ಪದಾಯಿತ್ ಮಾತ್ರ ಉಂಡ್. ಆಚೇಂಗಿ ಮನುಷ್ಯಂಗಡ ತಡೀರ ಕೆಟ್ಟ ಆಸೇನ ಗೆಲ್ಲ್‌ವಕ್ ಈ ಬೋದನೆಕ್ ಶಕ್ತಿ ಇಲ್ಲೆ.