Read Kok Borok YAPHANG 5 Bible Online

YAPHANG 5 - Kok Borok bible

YAPHANG 5

¹Omo wng kha Adamni bosongrokni láibumarokni kók. Kaitor borokno snam phuru bo bono Kaitorno kosol khe snam kha.

²Bo bórokno chwla tei bwrwi khe snam kha tei bo bórokno hamari rw kha. Snamwi bórokno Borok hwnwi mung phar kha.

³Adamni umor nokha bisi sarathamchi phuru bo bupha wng kha. Bini sakno kosol khe’-no sajla khoroksa man kha tei bono Set hwnwi mung phar kha.

⁴Aboni ulo Adam teibo nokha bisi charra kwthang tong kha; bo teibo sajwk-sajla man kha.

⁵Tei Adam nokha bisi chukurathamchi umoro khe thwi kha.

⁶Setni umor nokha bisi saraba phuru sajla Enosno man kha.

⁷Tei aboni ulo bo teibo nokha bisi charrasni thang lang kha tei bo teibo kubun sajwk-sajlarok man phi kha.

⁸Tei nokha bisi chukurachinwi umoro khe thwi kha.

⁹Enosni umor nokha bisi chukuchi phuru bo sajla Kenanno man kha.

¹⁰Tei aboni ulo teibo nokha bisi chukurachiba thang kha. Bo teibo sajwk-sajla man kha.

¹¹Tei Enosni umor nokha bisi chukuraba-o khe thwi kha.

¹²Kenanni umor nokha bisi snichi phuru Mahalalel hwnwi sajla khoroksa man kha.

¹³Tei aboni ulo bo teibo nokha bisi charrabrwichi thang lang kha tei teibo sajwk-sajlarokno man kha.

¹⁴Hakhe Kenan umor nokha bisi chukurachi káui thwi kha.

¹⁵Mahalalelni umor nokha bisi dokchiba phuru bo sajla Jaredno man kha.

¹⁶Bo aboni ulo teibo nokha bisi charrathamchi thang lang kha phiya teibo sajwk-sajlarok man kha.

¹⁷Mahalalelni umor nokha bisi charrachukuchiba-o khe thwi kha.

¹⁸Jaredni umor nokha bisi sara-dokchinwi phuru khe chwla bwsa Enokno man kha.

¹⁹Tei aboni ulo Jared teibo nokha bisi charra thang lang kha tei bo sajwk-sajlarok man kha.

²⁰Hakhe Jaredni umor nokha bisi chukuradokchinwi-o khe thwi kha.

²¹Enokni umor nokha bisi dokchiba phuru khe bo sajla Methuselano man kha.

²²Aboni ulo khe Enok Kaitor bai kwthaui nokha bisi thamra tong lang kha tei bo sajwk-sajlarokbo man phi kha.

²³Bo nokha bisi thamradokchiba tong lang kha.

²⁴Bini thangsungo bo Kaitor bai kwthaui máng tongwi tháng kha. Hakhe, Kaitor bono tlangwi thángma bai bo nukjak li ya.

²⁵Methuselani umor nokha bisi saracharchisni phuru bo sajla Lamekno man kha.

²⁶Methusela Lamek achaiwi tei nokha bisi sniracharchinwi thangwi tong lang kha tei bo teibo sajwk-sajlarok man phi kha.

²⁷Hakhe nokha bisi chukuradokchi-chuku umoro khe thwi kha.

²⁸Lamekni umor nokha bisi sara-charchinwi phuru khe sajla khoroksa man kha.

²⁹Tei hai hwnwi sa kha, “Subraiyung swraimani o ha-ono o bwsa chini bebak samung kwrak tangmani yakni chwngno phiyóknai,” hakhe bo bono Noa[19] hwnwi mung phar kha.

³⁰Lamek Noa achaimani ulo teibo nokha bisi barachukuchiba thang lang kha, bo teibo sajwk-sajlarok man kha.

³¹Tei bini umor nokha bisi snira tei snichisni-o khe thwi kha.

³²Noa nokha bisi bara umor wng phuru bo sajla khorok tham man kha. Bórokni mung khe Sem, Ham tei Japhet.