Read Kok Borok 1 BOSONG 26 Bible Online

1 BOSONG 26 - Kok Borok bible

1 BOSONG 26

¹Doglam mwrwknairok wng kha Kora beremni Koreni bwsla Meselemia, Asapni bwslasong klai-o.

²Meselemiani khoroksni bwsa tongo abórok wng kha: Sakaria, Jediael, Jebadia, Jathniel,

³Elam, Jehohanan tei Eliehoenai.

⁴Obed-Idomnoni khorokchar sajla tongo: Semaia khe okra bini kusu khe Jehosabad, bini kusu khe Joa, bini kusu khe Sakhar, bini kusu khe Nethanel,

⁵bini kusu khe Amiel, bini kusu khe Isakar tei kusu khuk khe Peulethai; tamni hwn khe Kaitor bono hamari rw kha.

⁶Tei Semaiani bwsla khorokdokrok núkhungo belai samung nangnai borok, tamni hwn ba bórok belai kwrwng gwja.

⁷Semiani bwsajlasong wng kha: Othni, Rephael, Obed tei Eljabad, bórokni takhuk khoroknwi, Elihu bai Semakia khe belai phan gwnang.

⁸Obed-Idomni khorok 62 bwsarok samung kwrwng tei chúknai gwja mángno.

⁹Meselemiani takhuk khorok chichar chúknai chwla bwsarok tongo.

¹⁰Merari beremni Hosani bwsla khorokbrwi tongo: Simri, (bo bwsla okra ya phano bupha bono bokhorok snam kha.)

¹¹Hilkia, Tebalia tei Sakaria, bebak Hosani khorok chitham bwslasong khe nokthar mwrwknairok.

¹²Tei kubun Lebirok hai khe núkhungni okrarokno Subraiyungni noktharo samung khlainani bagwi duglam mwrwknai swkagwi samung berwi rw bai kha.

¹³Sabo ba duglamni barja wngnai kotor eba kotoi pat karwi nai lai kha.

¹⁴Pat karma-o Selmiani bagwi salka-o klai kha. Bini bwsla Sakaria kók kaham phrwngnai bini bagwi salsibai bwkhago klai kha.

¹⁵Obed-Idomni bagwi salgrabai bwkhak tei bini bwslarok khe manwirok tongmani nokni barja man kha.

¹⁶Supim bai Hosani bagwi khe saltháng duglam tei lama sakani Salekhet duglamo klai kha. Mwrwknani samung sláiwi sa laiwi rwjak kha.

¹⁷Salka bwkhak salo khorokdok khe ma mwrwk lai-o, salgrabai bwkhago khe khorokbrwi, salsibai bwkhago khorokbrwi tei manwirok tongmani nogo khe salo khoroknwi khe ma tongo.

¹⁸Saltháng bwkhakni lama gana-o khorokbrwi tei khoroknwi khe nokhla mwrwknai.

¹⁹Omorokno Kora tei Merari núkhungni duglam mwrwknairok.

²⁰Lebi bosongni Ahia Kaitorni noktharni rangkhók bai Kaitorno yapharjakmani rangkhókni barja tong kha.

²¹Khoroksa Gersomni bwsa Ladan bo kwbáng núkhungrokni chuchu tei bini bwsla Jehielnibo klai-o.

²²Jehielni bwsarok Jetham bai bini takhuk Joel khe Subraiyungni noktharni rangkhókni barja manjak.

²³Tei Amramsa, Ijarsa, Hebronsa tei Ujielsarokni thani bo samung berjak.

²⁴Musi bosongni Gersomni bwsla Sebuel khe Kaitorni noktharni rangkhókni bandari okra.

²⁵Gersomni takhuk Eliaserni bising tẃi Selomot bai sandairok klai-o. Eliaser khe Rehabiani bupha, bo khe Jesiani bupha tei Joram, Jikhri tei Selomotni bupha.

²⁶Selomot tei bini takhukrok habugra Daud bai Kaitorni thani yapharjakmani bebak rangkhókni barja, núkhungni bokhorokrok, khorok 1,000-ni tang okra, sarani tang okra tei sengkrakrokni bokhorok.

²⁷Noktharni samungni bagwi bokhorok choba-o segwi manmani manwirokno yaphar lai kha.

²⁸Diyari Samuel Kisni bwsla Sol, Nerni bwsla Abner, Jeruiani bwsla Joabsong yapharmani manwirokno Selomot tei bini takhukrok nainani barja man kha.

²⁹Ijarsa bosongni Chenania bai bini bwsarok Israilni phatarni khlaithai barja rwjak kha, o samungrok wng kha tẃiphangni tei buj thumnani samungrok.

³⁰Hebron bosongni Hasabia bai bini takhukrok khorok 1700 kwrwng borok Israilo Subraiyungni tei habugrani samungni bagwi Jordan twimani saltháng bwkhakni barja rwjak kha.

³¹Hebron bosongni Jeria khe Hebronni bokhorok (Daudni bosong rwgwi kwrwng kuk manmani khe Giliad amchoini Jajerno manjak kha.)

³²Habugra Daud bo tei bini takhukrok khorok 2,700 núkhungni phan gwnang bororokno Ruben, Gad tei salkani Manaseno nainani Kaitor tei habugrani samungni bagwi chongjak kha.