Read Kok Borok 1 BOSONG 27 Bible Online

1 BOSONG 27 - Kok Borok bible

1 BOSONG 27

¹Omono Israil núkhungni bokhorokrokni, beremni tẃiphangrok, sasaini tei sarani sengkrak bokhorokrok tei habugrani bebak samung tangnairok, bisi kaisa-o talsani ulo tei talsa khe bodol sláijagwi khorok 24,000 borok samung khlainairok.

²Jabdielni bwsla Jasobiam khe puila bodolni puila talni bagwi barja man kha, bini bodol khe khorok 24,000 ká-o.

³Bo wng kha Peres bosongni tei bo swkang talni bagwi bebak sengkrakrokni slái kotor kuk.

⁴Ahohisa Dodai khe talnwini talo barja man kha; Miklot khe bórokni bodolni kotor kuk bokhorok. Bini bodolo khorok 24,000 sengkrak tongo.

⁵Ochai Jehoiadani bwsla Benaia khe taltham talo bokhorok chongjak kha, bini bodolo khorok 24,000 tongo.

⁶Omo wng kha Benaia bo borok khorok thamchi bokhorokrokni bisingo khoroksa phan gwnang. Bini bwsla Amijabad bodolni bokhorok wng kha.

⁷Tal brwini talo; Joabni takhuk Asahel, bini bwsla Jebadia bini yakchu wng kha, bini bodolo khorok 24,000 tongo.

⁸Talba talni bokhorok khe; Ijar bosongni Samut, bini bodolo khorok 24,000 tongo.

⁹Tal dokni talo khe; Tekoa-o tongnai Ikesni bwsla Ira, bini bodolo khorok 24,000 ká-o.

¹⁰Tal sni talo khe, Ephraim bosongni Pelonsa Helej, bini bodolo bebagwi khorok 24,000 ká-o

¹¹Nokha talcharni talo khe; Husathini Sibekai, bo Sera beremni, bini bodolo khorok 24,000 ká-o.

¹²Tal chukuni talo; Benjamin bosongni Anathoto tongnai Abiejer, bini bodolo khorok 24,000 ká-o.

¹³Tal chini talo khe; Sera bosongni Netopha-o tongnai Maharai, bini bodolo 24,000 ká-o.

¹⁴Tal chisani talo; Ephraim bosongni Pirathono tongnai Benaia, bini bodolo khorok 24,000 ká-o.

¹⁵Tal chinwini talo: Othniel bosongni Netopha-o tongnai Heldai, bini bodolo khorok 24,000 ká-o.

¹⁶Omorok wng kha Israilni tẃiphangrok; Rubensarokni khe Jikhrini bwsla Eliaser tang okra, Simionsani khe Makani bwsla Sephatia.

¹⁷Kemuelni bwsla Lebi, Hasabia, Aron ochai, Sadok,

¹⁸Juda, Elihu Daudni takhuk Isakar Mikailni bwsla Omri,

¹⁹Jebulunni, Ismaia Naptalini Obadiani bwsla, Ajrielni bwsla Jerimot,

²⁰Ephraimni, saltháng Manaseni Ajajiani bwsla Hosea, Pedaia khe Joelni bwsla.

²¹Giliado tongnai Manaseni khaksa bosongni khe: Sakariani bwsla Iddo, Benjaminni Abnerni bwsla Jasiel,

²²Danni khe Jerohamni bwsla Ajarel, omorok wng kha Israil bosongni tẃiphangrok máng.

²³Habugra Daud nokha bisik nwichini kisa ká súk ya khorokno lekha li ya; tamni hwn ba Subraiyung nokhani athukirirokni slái kwbáng khlaina swmai tang kha.

²⁴Jeruiani bwsla Joab, Lekhanani cheng kha, hai phano páiwi man li ya, aboni bagwi Israilni saka-o jolima klai kha, hakhe bwswk lekha kha abo habugra Daud bosong bijabo abórok kasa li ya.

²⁵Habugrani Rangkhókno: Adielni bwsla Asmabet. Kamirokno, kamiyungrokno tei nok kuchukrokno khe Ujani bwsla Jonathan.

²⁶Kelubni bwsla Ejri khe panthor-auarrogo samung tangnai.

²⁷Angur barino: Rama-o tongnai Simei Angur barini arak sepma-o: Sipmisa Sabdi.

²⁸Olib tei saikomor buphang: Gedera-o tongnai Balhanan. Thok thumjak tongma-o: Joas.

²⁹Saronni merarokno: Sarono tongnai Sitrai Harungni merarokno: Adlaini bwsla Saphat.

³⁰Mangingangrokno: Ismaelsa Obil. Koraichirkarokno: Meronotsa Jehedia. Merarok tei punrokno: Hagrisa Jajij.

³¹Omorok bebak habugra Daudni núkhungni manwi mwrwknairok.

³²Daudni bukhra Jonathan, bo belai kók kaham phrwngwi mano tei elem kwrwng. Bo tei Hakmonini bwsla Jehiel habugrani bwsarokno phrwngna barja.

³³Ahithophel khe habugrano kókbiti rwnai tei Arkitsa Husai khe habugrani bikiching.

³⁴Ahithophel thwi khe Abiathar bai Benaiani bwsla Jehoiada yakchu wng kha. Joab khe habugrani sengkrakrokni bokhorok.