Read Kok Borok 1 BOSONG 4 Bible Online

1 BOSONG 4 - Kok Borok bible

1 BOSONG 4

¹Judani bosongrok: Peres, Hejron, Karmi, Hur tei Sobal.

²Sobal khe Reaiani bupha, bo khe Jahatni bupha, Jahat khe Ahumai bai Lahadni bupha. Bórok khe Jorathi núkhungni gwja.

³Etamni bwsarok: Jejril, Isma, Idbas tei bórokni hanokni bumung khe Hajelelponi.

⁴Penuel khe Gedorni bupha tei Ejer khe Husani bupha. Bórok wng kha Hurni bwsarok:[4] Ephrathani bwsla okra, Betlehemni bupha.

⁵Asur khe Tekoani bupha, bini bihik khoroknwi tongo, Hela bai Nara.

⁶Narani bwsa khe khorokbrwi: Ahusam, Hepher, Temeni tei Hahastari.

⁷Helani bwslasong: Seret, Ijar, Ethnan,

⁸Koj khe Anub tei Jobebani bupha tei Aharhel beremni Harumni bwsla.

⁹Jabes bini takhukrokni bisingo bórom man kuk kha; bini buma bono Jabes hwno, tamni hwn ba, “Ang bono belai tekto bai mano,” hwnwi bo sa kha.

¹⁰Jabes Israilni Kaitorni thani hai hwnwi suri san kha, “Kaitor, ano hamari rw di tei ani ha phuar di; ang bai tong di, ano tekto rwui mannai hamyani yakni kati rwui ton di.” Hakhe bo sanmano Kaitor rw kha.

¹¹Suhani takhuk Kelubni bwsla khoroksa tongo, bini mung khe Mehir. Mehir khe Estonni bupha,

¹²Estonni bwslasong khe Bet-rapha, Pasea tei Tehina. Tehina khe Irnahasni bupha. O bororok khe Reka-o tongnairok.

¹³Kenajni bwsarok: Othniel bai Seraia. Othnielni bwsarok khe: Hathat bai Meonothai.

¹⁴Meonothai khe Ophrani bupha. Seraia khe Joabni bupha, bo Geharasimni bupha hwnjago, tamni hwn ba bórok uanani samung kwrwng gwja máng.

¹⁵Jephuneni bwsla Kalebni bwsa khoroktham: Iru, Ela tei Nam; Elani bwsa khe Kenaj.

¹⁶Jehalelelni bwsarok: Jip, Jipha, Tiria tei Asarel.

¹⁷Ejrani bwsarok: Jether, Mered, Epher tei Jalon. Mered Pharaoni bwsajwk Bithiano káijagwi bwsa manmani Miriam, Samai tei Isba khe Estemoani bupha.

¹⁸Bini Judajwk bwrwi bai manmani Sered, bo Gedorni bupha, Heber khe Sokoni bupha tei Jekuthiel khe Janoani bupha.

¹⁹[5] Hodia Nahamni bahanokno káijagwi manmani bwsarok: Garmito tongnai Keila tei Makatsa Estemoa.

²⁰Simonni bwsarok: Amnon, Rinna, Benhanan tei Tilon. Isini bwsarok: Johet tei Benjohet.

²¹Sela Judani bwslasongni bisingo khoroksa, Er khe Lekani bupha, Lada khe Maresani bupha, Bethasbia-o tongnai rí taknai bosong.

²²Jokim tei Kojeba-o tongnai bororok, Joas tei Sarap Moabo bugra chánai tei Betlehemo kiphilwi phainai (abo belai kwcham).

²³Abórok hani manwi taknairok bórok Netaim tei Gedera-o tongo; bórok habugrani samungni bagwi aro tong bai-o.

²⁴Simionni bwsarok: Nemuel, Jamin, Jarib, Jera tei Saul.

²⁵Saulni bwsa Salumni bwsa Mibsam, Mibsamni bwsa Misma.

²⁶Mismani bwsarok: Hamuel, Jakur, Simei,

²⁷Simeini bwsla khorokchidok tei bwsajwk khorokdok ká-o, bini takhukrokni aswk bwsarok bángtha ya tei bini bosongrok Judani bororok hai bángtha ya.

²⁸Daud habugra chámani jora-o Simionni bosongrok kami kotor kwbángma: Birseba, Molada, Hajarsual,

²⁹Bilha, Ejem, Tolad,

³⁰Bethuel, Horma, Jiklag,

³¹Betmarkabot, Hajarsusim, Betbiri tei Saraimo tong bai-o.

³²Bórokni kamirok khe: Etam, Ain, Rimon, Token tei Asanni khe kamiyung khungba.

³³Kamirok kitingwi Balat kami kotor jora, arorogono bórok tong baimani, abo bórokni bosong bijabo swijak tongo.

³⁴Mesobab, Jamlek, Josa khe Amajiani bwsla,

³⁵Joel bai Jehu khe Josibiani bwsla, Josibia khe Seraiani bwsa, Seraia khe Asielni bwsa.

³⁶Elioenai, Jakoba, Jesohaia, Asaia, Adiel, Jesimiel, Benaia.

³⁷Sija, Siphini bwsa, Siphi Alonni bwsa, Alon Jedaiani bwsa, Jedaia Simri, Simri Semaia.

³⁸O mung khujakma bororok bórok núkhungni bokhorokrok, bórokni núkhung belai tor kha.

³⁹Bórok saltháng bwkhak Gedor jora tháng lai kha, harungni salka bwkhak jora bórokni mera mwrwk te mwrwk te sógwi kha.

⁴⁰Bórok merarokni bagwi cháthai kaham man lai kha, abo belai khe siring-siring haphar tei kwchang-kwchang. Aro swkango Ham bosongni bororok tong langmani.

⁴¹O sakani bororok Judani habugra Hejekiani molo bórok Gedoro tongwi aro tong bainai bororokni ríni nokrok tei nok bwsarok swbaiwi rw bai kha. Bórokno rwkhlaiwi rohorwi arono tong súk bai kha, tamni hwn ba aro bórokni merarokni bagwi tongthai kaham.

⁴²Tei khorokraba Simionsarokni bosongrok khe Seir hathái bwkhak, bórokni tẃiphangrok khe Isini bwslasong: Pelatia, Neria, Rephaia tei Ujielsong bai khe tháng bai kha;

⁴³bórok aro Amalekni yógwi tong rwk bainai bororokno buthar baiwi tabuk jora bórok aro tong bai kho.