Read Kok Borok 1 BOSONG 5 Bible Online

1 BOSONG 5 - Kok Borok bible

1 BOSONG 5

¹Omorok wng kha Rubenni bosong, Jakobni bwsajla okra (bini buphani bihik kotoi bai thumani bagwi bini bwsla okrani manthaino Josepno rwjak kha; hakhe bo bosong bijabo okrani bumung swkango swijakna tongmani bini mung swijak li ya.

²Judaini bosong takhukrokni bisingo okra kuk tei bokhorok wng phano okrani manthai Josep se man si-o),

³Jakobni bwsla okra Rubenni bwsajlasong: Hanok, Palu, Hejron tei Karmi.

⁴Joelni bwsarok: Semaia, Gok, Simei,

⁵Mika, Reaia, Bal,

⁶Bira, Asiriyani habugra Tilgat-pilnesar bai romwi khaui tlangjak kha, tamni hwn ba bo wng kha Rubensarokni bokhorok.

⁷Rubenni bosongno núkhung thwgwi bosong bijabo swijak kha, tẃiphang Jeiel, Sakaria,

⁸Bela khe Ajajni bwsla Semani busuk, Joelni bosong, o bosongrok Aroer, Nebo amchoi-o tei Balmeono tong bai-o.

⁹Teibo bórok salka phaisingni hasing-panthor tei Uphratis twima lama jora sógwi kha, tamni hwn ba bórokni merarok ha Giliado kwbángma wng kha.

¹⁰Sol habugra cháui tongmani molo Rubenni bosongrok Hagrisarok bai choba nang laiwi, bórokno buthar baiwi bórokni ha Giliadni salka bwkhakno na bai kha.

¹¹Gadni bosongrok ha Basan tei hakchal Saleka jora tong bai-o.

¹²Joel khe a bosongni bokhorok tei bini ulo Sapham, Janai bai Saphat Basanni bokhorok.

¹³Bórokni bosongni tei khoroksni sandai-masakrok: Mikail, Mesulam, Seba, Jorai, Jakhan, Jia tei Eber.

¹⁴Omorokno Hurini bwsla Abihailni bosongrok uklokni simi rwkjakmani: Abihail, Huri, Jaroa, Giliad, Mikail, Jesisai, Jado, Buj,

¹⁵Ahi, Abdielni bwsa tei Gunini busuk, bo bosongni bokhorok.

¹⁶Bórok Giliad tei Basan, abórokni kamiyungo tei Saronni mera mwrwkma harogo tong bai kha.

¹⁷Omorok bebakno Judani habugra Jotham tei Israilni habugra Jeroboamni molo bosong bijabo swijak kha.

¹⁸Ruben, Gad tei Manase bosongrokni khaksa bosongo khorok 44,760 sengkrakrok tongo, bórok choba nang lai phuru kolongarok, sengrok tei badukhungrok bai nang laina kwrwng gwja.

¹⁹Bórok Hagrisa, Jetur, Naphis tei Nodabsong bai choba nang lai kha.

²⁰Bórok Kaitorno poito cháui chubachuni bagwi suri san lai khe Kaitor bórokni surima khnaui Hagrisa tei bayaprokno bórokni yago yaphar kha.

²¹Bórok kena arirokni mak 50,000 mangingangrok, mak 250,000 merarok tei mak 2,000 koraichirka tei khorok 100,000 bororokno romwi tlang bai kha.

²²Bórok kwbángma arirokno buthar bai kha tamni hwn ba choba Kaitorni se. Buini ha-o khaui tlangjakma jora bórok arono tong kha.

²³Salka bwkhago tong bainai Manaseni bosongrok Basanni simi Bal-harmon, Senir tei Harmon hachuk jora-o tong bai kha. Bórok belai khe er lai kha.

²⁴Bórokni bosongni bokhorokrok: Epher, Isi, Eliel, Ajriel, Jirimia, Hodabia tei Jadiel. Bórok bebak phan gwnang choba nang laiwi mannai máng’-no.

²⁵Bórokni chuchusongni Kaitorni thani bórok sumsok khlai bai kha tei Kaitor bórokni bwskango sokomormani hani mwtairokno khulum kha.

²⁶Hakhe Kaitor Asiriyani habugra Pulnobo (abono Tilgat-pilnesarbo hwnjago) tubu-ui bórokno mechenwi Ruben, Gad tei Manaseni khaksa bosongrokno khaui tlangwi bórokno Hala, Habor, Hala tei Gojan twima rukungo ton kha.