Read Kok Borok 2 BOSONG 27 Bible Online

2 BOSONG 27 - Kok Borok bible

2 BOSONG 27

¹Jotham nokha bisi nwichiba umoro habugra chána chengwi Jerusalemo nokha bisi chidok jora bugra chá lang kha. Bini buma wng kha Sadokni bwsajwk Jerusa.

²Bo bini bupha Ujia khlaimani hai khe bo Subraiyungni mokolo chajakmani haino khlai kha, phiya ba bo Subraiyungni nogo tháng li ya. Phiyaba bororok samung hamyano tanglaima thaklai li ya.

³Jotham Subraiyungni nokni sakani duglam tang kha tei Ophel chokdeualbo kwbángma tang kha.

⁴Teibo bo Judani hathái kami-o kamiyungrok tang kha tei bolongrogo sengkrakrokni nok tei nok kuchukrok tang kha.

⁵Bo Ammonsarokni habugra bai choba nang laiwi bórokno mechen kha tei Ammonsarok a bisi-o sara[15] rukphai talen, Kg. 1800 gom tei Kg.1800 [16] barli ma rw kha. Abo hai khe máng bisik tham jora abo swk ma rw kha.

⁶Hakhe Jotham phan wngwi bacha kha, tamni hwn ba bo Subraiyung bini Kaitorni kókno khna-o.

⁷Aswk Jotham samung khlai langmani, choba nang laimani, bini himmarok Israil bai Judani habugrarokni bijabo swijak tongo.

⁸Jotham nokha bisi umor 25 phuru-o habugra chána chengwi Jerusalemo nokha bisi chidok jora habugra chá lang kha.

⁹Jotham thwi khe Daudni kamiyungo phobjak kha, bini bwsla Ahas bini yakchu-o habugra chá kha.