Read Kok Borok EJRA 8 Bible Online

EJRA 8 - Kok Borok bible

EJRA 8

¹Omo Artasarses habugra cháui tongmani molo Ejra bai baksa Jerusalemo kiphilwi phainairok bai Babilonni ha-o chobwi tonjaknairokni bosongni bokhorokrokno rwgwi sajakmani,

²Gersom, Phinehasni bosong, Daniel, Ithamarni bosong, Daudni bosong Hatus.

³Sekaniani bwsarok, Paros Sakariani bosong bo bai pal chwlarok swijak kha khorok 150.

⁴Jerahiani bwsla Elihoenai. Pahatmoabni bosong bo bai pal chwlarok khorok 200

⁵Jahasielni bwsla Sekania. Jatuni[4] bosong, bo bai pal bororok khorok 300.

⁶Jonathanni bwsla Ebed, Adinni bosong bo bai pal bororok khorok 50.

⁷Athaliani bwsla Jesaia, Elamni bosong bo bai pal bororok khorok 70.

⁸Mikailni bwsla Jebadia, Sephatiani bosong bo bai pal bororok khorok 80.

⁹Jehielni bwsla Joab Obadia. bo bai pal chwlarok khorok 218

¹⁰Josiphiani bwsla Selomit Banini[5] bosong, bo bai pal chwlarok 60.

¹¹Bebaini bwsla Sakaria, Bebaini bosong bororok khorok 28.

¹²Hakatanni bwsla Johanan, Ajgadni bosong bo bai pal bororok khorok 110.

¹³Eliphelet, Jeuel tei Semaia Adonikamni bosong bórok bai pal khorok 60 ulo kiphilnairok.

¹⁴Uthai Jakur, Bigbaini bosong bo bai pal bororok khorok 70

¹⁵Ang bórokno twima Ahaba jora kochoknai twi rukungo thum kha, hakhe chwng aro nokha saltham jora tong lai kha, ang bodol bisingo ochairokno nuk kha, hai phano aro Lebirok kwrwi,

¹⁶ang khorokchuku tẃiphangrokno rohor kha, bórok wng kha: Eliaser, Ariel, Semaia, Elnathan, Nathan, Sakaria, Mesulam tei lama sonai khoroknwirok Joiarib bai Elnathan elem kwrwngrok.

¹⁷Ang bórokno Kasiphiani tẃiphang Iddoni thani bono tei bini palrokno Kaitorni noktharo monna bagwi borok rohor di hwnwi sa hor kha.

¹⁸Kaitorni chubamani bai bórok chwngno Serebia Mahalini bosongni borok khoroksa, bini bwsarok bai takhuksong bebagwi khorok chichar sók phai kha.

¹⁹Bórok abórokno karwi Hasabia tei Merari bosongni Jesaia bini takhuk tei bwsarokno khobwi khorok nwichi,

²⁰tei khorok 220 noktharo samung tangnairok abo habugra Daud bai bini tẃiphangrok Lebirokno chubanani bagwi chongmani abórok bebak mung khu-ui swijak kha.

²¹Hakhe ang Ahaba twima rukungo ok bukcha khe suri lainani bagwi kobok kha, tamo khe chwng Kaitorni bwskango koinene khe tei chini bagwi, chini bwsarokni bagwi tei bebak chini rang-rírokni bagwi tei kaham khe tẃi thung hwnwi suri lai kha.

²²Tamni hwn ba ang habugrano chwngno lama-o chini kena arirokni yakni kati rw thung hwnwi sengkrak bodol tei korai malkhung kanai bodol sannani lachi kha, tamni hwn ba chwng habugrano chini Kaitor bono sannairokno hamari rw-o, phiya bono khibinairokno khe khencheneui jolijago hwnwi sama tongo.

²³Abo bai chwng ok bukcha khe tongwi chwngno hamyarokni kati rw thung hwnwi suri lai kha. Hakhe bo chini surimano khna kha.

²⁴Khorok chinwi ochairokni bisingo kolok-kotorrokno saiwi na kha, abórok wng kha, Serebia, Hasabia tei bórokni sandai masarok.

²⁵Hakhe ang habugra, bini kókbiti rwnairok, tẃiphangrok tei Israilni bororok noktharni bagwi yaphar baimani rangchak, rukphai tei manwirokno rwta baiwi ochairokno yapharwi rw bai kha.

²⁶Rukphai-22 Metrik ton, kai 100 rukphaini manwirok-70 kilo, rangchak-3,400 kilo

²⁷kai 20 rangchakni dangai 84 kilo, kai 2 kahamma pitolni dangai abo rangchak bai baksa’-no morok.

²⁸Ang bórokno hai hwnwi sa kha, “Norok Kaitorni thani kwthar tei o manwirokbo kwtharno, rangchak-rukphairok Subraiyung norokni chuchusongni Kaitorno muchungwi yapharmani se.

²⁹Jerusalemni Kaitorni nok bisingni khotolo ochai okrarok Lebirok tei Israilrokni bwskango abórokno rwtaui yaphar ya sak kaham khe nai di tei mwrwk di.”

³⁰Hakhe ochairok, Lebirok rangchak, rukphai tei manwirokno Jerusalemni noktharo tonnani bagwi barja na kha.

³¹Hakhe chwng tal yaphangni nokha sal chinwini salo Ahaba twima rukungni Jerusalemo thángnani bagwi lam rw lai kha. Chini Kaitor chwng bai pal tongwi chini arirok lama kasu-ui man ya tẃi khe, bórokni yakni chwngno kati rw-o.

³²Chwng Jerusalemo phai khe, nokha saltham jora leng lai kha.

³³Nokha sal bwrwini salo chwng Kaitorni noktharo tháng kha, hakhe rangchak rukphai tei manwirokno rwta baiwi Uriani bwsla Meremotni yago yapharwi rw lai kha, bini logi-o Phinehasni bwsla Eliasar tei khoroknwi Lebirok, bórok wng kha Jesuani bwsla Jojabad bai Binuini bwsla Noadia.

³⁴Bebak tongmano mareui rwtajak kha tei bebak rwtajakno swiwibo narwkjak kha.

³⁵Aphuru khe buini hani kiphil phainairok Israilni Kaitorni thani sógwi yaphar mung tubu-ui yaphar bai kha. Bórok bebak Israilrokni bagwi musuk mak chinwi mera bwsa mak 96 tei merarok mak 77 sumsokni kwthar wngnani bagwi punjua mak chinwi yaphar lai kha. Abo bebak Subraiyungni thani sógwi yapharjak kha.

³⁶Bórok habugra bai rohorjakmani kóktunrokno twima nar amchoini hastepharok tẃiphangno yaphar khe bórokbo bórokno Kaitorni nokni samungo chuba kha.