Read Kok Borok NEHEMIA 12 Bible Online

NEHEMIA 12 - Kok Borok bible

NEHEMIA 12

¹Omo ochairok, Lebirokno buini ha-o khaui tlangjak bainairok Sialtialni bwsajla Serubabel tei Jesua bai kiphilnairok Ochairok:

²Ochairok: Seraia, Jirimia, Ejra Amaria, Maluk, Hatus.

³Sekania, Rehum, Meremot.

⁴Iddo, Ginethoi, Abia,

⁵Mijamin, Madia, Bilga

⁶Semaia, Joiarib, Jedaia.

⁷Salu, Amok, Hilkia tei Jedaia. Omorok wng kha Jesuani molo ochai bokhorokrok.

⁸Lebirok: Omorok khe hambaini rwchapmungni barja chongjak, Jesua, Binui, Kadmiel, Serebia, Juda tei Matania.

⁹Bakbukia tei Unno bórokni takhuksong tei babaisa bwkhak bacha laiwi rwchapma-o chuba-o.

¹⁰Josua khe Joiakimni bupha, Joiakim khe Eliasibni bupha, Eliasib khe Joiadani bupha,

¹¹Joiada khe Jonathanni bupha, Jonathan khe Jaduani bupha.

¹²Joiakim ochai bokhorok wngwi tong phuru, omorokno ochai bosongni bokhorok: Seraia bosongni khe Meraia tei Jirimia bosongni khe Hanania.

¹³Ejra bosongni khe Mesulam, Amaria bosongni khe Jehohanan.

¹⁴Maluki bosongni khe Jonathan, Sebania bosongni khe Josep.

¹⁵Harim bosongni khe Adna, Meraiot bosongni khe Helkai.

¹⁶Iddo bosongni khe Sakaria, Ginethonni khe Mesulam.

¹⁷Abia bosongni khe Jikhri, Miniaminni tei Moadia bosongni khe Piltai.

¹⁸Bilga bosongni khe Samua, Semaia bosongni khe Jehonathan.

¹⁹Joiarib bosongni khe Matenai, Jedaia bosongni khe Uji.

²⁰Salai bosongni khe Kalai, Amok bosongni khe Eber;

²¹Hilkia bosongni khe Hasabia; Jedaia bosongni khe Nethanel.

²²Lebirokni tei ochairokni núkhungni bokhorokno Eliasib, Joiada, Jonathan tei Jadua, ochai bokhorok cháui tongmani molo tei Parsia-o Darias habugra cháui tong phuru swiwi narwkjak kha.

²³Lebi núkhungni bokhorokrokno Eliasibni busuk Jonathanni molo bosong bijabo swijak kha.

²⁴Lebirokni bokhorokrok: Hasabia, Serebia tei Kadmielni bwsajla Jesua tei bórokni bwskango tongnai bini takhuksong habugra Daud Kaitorni borok dagimani tẃi lobnani tei hambai rwnani chong lai kha.

²⁵Matania, Bakbukia, Obadia, Mesulam, Talmon tei Akubrok khe manwi tongmani nokni duglamo mwrwgwi tongnani chongjak kha.

²⁶Omorok Josadakni busuk, Jesuani bwsajla Joiakimni molo tei bubagra Nehemia tei ochai Ejrani jora-o tong bai-o.

²⁷Jerusalemni chokdeualno yaphar phuru Lebirok tongma jidoloni rutugwi bórokbo haino Jerusalemo panda phuru hambai rwmung bai, rwchapma bai, tamjaknai cheuang, chongpreng tei donidong-drongrok tam laimani bai khe tongthok lai kha.

²⁸Lebi núkhungni bororok Jerusalem kitingwi tong bainai rwchapnairok Netophatsani kamiyungni phaiwi kuthum lai kha,

²⁹tei Bet-gilgalni, Gebani tei Asmabetni, tamo khe rwchapnairok Jerusalemno kitingwi’-no kami kha lai tong lai kha.

³⁰Ochairok, Lebirok, bórok sak sakno kwthar khlai lai kha, hakhe bórokno duglamrokno tei chokdeualnobo khlai kha.

³¹Hakhe ang Judani tẃiphangrokno chokdeualni kuchuk saka-o tubu kha, bórokno bodol kainwi khe khaknwi kamiyung kitingwi him laiwi Kaitorno hambai rwnani chong kha, Bodol kaisa khe yagra babai khi duglam[7] tẃi chokdeual babai tháng lai kha.

³²Aboni ulo Hosea tei Judani tẃiphangrokni bere khaksa tháng lai kha.

³³Ajaria, Ejra tei Mesulam,

³⁴Juda, Benjamin, Semaia tei Jirimia,

³⁵tei baksa ochaini bwsarok totrorok tẃi laiwi: Jonathanni bwsajla Sakaria, Semaiani bwsajla, Mataniani bwsajla, Mikaiani bwsajla, Jakurni bwsajla, bo khe Asap bosongni.

³⁶Tei bini jaiti masakrok: Semaia, Ajarel, Milalai, Gilalai, Mai, Nethanel, Juda tei Hanani, Kaitorni borok Daudni tammungno tẃijak, Ejra bórokni swkango tháng kha.

³⁷Daudni kamiyungo thángma lamani twimuk duglamo tháng laiwi, Daudni noyung láiwi twi duglamni uklok tẃi khe kamiyungni salka phaising tháng lai kha.

³⁸Tei hambai rwnani bodol kaisa yaksi phaising tháng lai kha, ang tei khaksa bororok bai bórokno chokdeual kuchuk saka-o thapa nok kuchuk saka tẃi chokdeual kuar jora rwkthar kha.

³⁹Aroni khe chwng Ephraim duglam,[8] Jesana Duglam kwcham duglam, á duglam, Hananelni nok kwcham, nok kuchuk khung 100, mera duglam tẃi khe páithago nokthar duglam gana-o kiting laiwi ma mwthak lai kha.

⁴⁰Hakhe hambai rwnai bodol kainwirok Kaitorni nok bisingo bacha lai kha. Ang tei ani logi-o tong bainai tẃiphangrokni bere khaksano ang bai tongo;

⁴¹tei ochairok Eliakim, Maseia, Miniamin, Mikaia, Elioenai, Sakaria tei Hanania, totrorok tẃi laijak khe,

⁴²bórokni uklogo khe Maseia, Semaia, Eliasar, Uji, Jehohanan, Malkija, Elam tei Ejer. Rwchapnairok Jejrahia bórokni tẃiphang bai khe rwchap lai kha.

⁴³A salo bórok yapharmung kwbángma yaphar lai kha tei tongthok lai kha tamni hwn ba Kaitor se bórokno tongthok rwma ba, bwrwirok bai chwrairok bo tongthok lai kha. Tei Jerusalemni tongthok laimani khorang hakchalni simi phano khna horjak bai kha.

⁴⁴A jora-o bororok noktharni bagwi rwjakmani tháiskang, chi-o kaisa, tongmani nokrokno mwrwknani chongjak kha, a bororok kerongo swijak tongmani hai, ochairok, Lebirokni bagwi kamiyungni, panthorni thumnani bagwi barja rwjak kha. Ochairok, Lebirokno Judani bororok chajak bai kha.

⁴⁵Tamni hwn ba bórok kwthar panda khlai lai kha, rwchapnairok, duglam mwrwknairokbo Daud bai bini bwsajla Solomon dagimani hai khe’-no khlai lai kha.

⁴⁶Habugra Daud bai Asapni simi, kwdwkma swkang rwchapnai bokhorokrok tongo, bórok Kaitorno hambai tei lob laiwi rwchap lai-o.

⁴⁷Tei bebak Israilrok Serubabel bai Nehemiani jora-o rwchapnairokno, duglam mwrwknairokno, sal brúmni banta rw lai kha tei bórok Lebirokni bagwibo khagwi banta narwgo tei Lebirokbo Aronni bwsajlasongni bagwi banta narwgo.