Read Kok Borok JOB 25 Bible Online

JOB 25 - Kok Borok bible

JOB 25

¹Hakhe Suhitsa Bildad hai hwnwi sa kha:

²“Kaitor wng kha phan gwnang; bini bwskango jotono bórom khlaiwi ma bacha-o; bo bini hano nai kolwi tono.

³Bini suarirokno lekhaui mannai le sabo tong ba? Saboni saka-o se bini pohor klai ya tong?

⁴Bahai khe thwiblang ba bini thani sói wngwi mannai ba? Bwrwini ogo achainai bahai khe le kwkwrwk kwthar wngwi mannai?

⁵Bini mokolo le tal suda se kwchẃng ya tei athukirirokbo srai-srai ya,

⁶borok le yóngdul hai thwiblang se, bo kenjua bai baksa se!”