Read Kok Borok JOB 26 Bible Online

JOB 26 - Kok Borok bible

JOB 26

¹Hakhe Job uphilwi hai hwnwi sacha kha,

²“Nwng bahai khe le khoroksa phan kwrwino chuba lang! Phan kwrwi yakno bahai khe nwng phan rwui chuba lang!

³Nwng khoroksa butuano bwswk se kók kaham saui kókbiti rw kha!

⁴Nwng saboni phan bai kókrok saui tong, saboni phan nono omo hai khe kók sanani chubaui tong?

⁵Twi bisingo tongnai kwthwirokni pholarok tei bórokni tongthairok kwlwi lai-o.

⁶Kwthwirokni ha Kaitorni thani pháng-pháng, sokomornaisabo bini thani huijak ya.

⁷Bo salsibaini nokha bukchano phologo, tei o hano haino bukcha-o khachiui tono.

⁸Bo twirokno chumui bai khaui tono, tei abórok bai chumui kichigwi tháng ya.

⁹Bo talno[9] chumui bai kholobwi tono tei chumuino phuarsa-o.

¹⁰Twijlang saka-o mari kiting rigwi bo pohor bai mwnakni arini mari bo kha.

¹¹Bo kul khe nokhani thonglarok kwlwibra-o tei sundru-o.

¹²Bini phan bai bo twijlangno kwchang kwchang wng rw-o; tei bini sima bai’-no Rahabno swprago.

¹³Bini hama bai nokharokno kwchẃng khlai-o; tei bini yak bai khárnai chibukno supla-o.

¹⁴Omorok bini phanno kisicha phunukmani se; chwng bini kisicha kók serek khna tẃi se khna kho! Tamo khe sabo bini phankrakno romwi mannai?”