Read Kok Borok LOBMUNG 100 Bible Online

LOBMUNG 100 - Kok Borok bible

LOBMUNG 100

¹O bebak harok, Subraiyungni thani tongthokni khorang khlai di.

²Bwkha srangma bai Subraiyungno baju di; rwchapmung rwchabwi bini thani phai di.

³Subraiyung’-no Kaitor, norok si di. Bo se chwngno snamo tei chwngbo bini’-no; chwng khe bini bororok tei bini mwrwkma mera se.

⁴Bini duglamo hambai bai hap di, tei lobma bai bini nokhla-o ká di. Bono hambai rw di, bini mungno hamari rw di.

⁵Tamoni hwn ba Subraiyung wng kha kaham; bini pái phlai ya hamjakmung tong phlainai, tei kók narwkma piri-piri-o tong phlai-o. Daudni rwchapmung