Read Kok Borok LOBMUNG 108 Bible Online

LOBMUNG 108 - Kok Borok bible

LOBMUNG 108

¹O Kaitor, ani bwkha butharjak; ang khnathok khe rwchapnai. O ani bwkha, sicha di!

²Donidong-dorong bai chongpreng sicha di! ang phung aidrobo’-no sichanai.

³O Subraiyung, ang nono lobwi rwchapnai, ang nono dopharokni thani lobwi rwchapnai.

⁴Tamoni hwn ba nini pái phlai ya hamjakma nokharokni slái kuchuk, tei nini kók narwkmani abo chumuirogo khuhorjak.

⁵O Kaitor nwng nokharokni slái kuchuk khe lobjak thung, nini chẃngsacha ha gwnangwi pung si thung.

⁶Nini yagra yak bai kwplai khlai di, ani surimano khna ja di, hakhe nini hamjakmani borok mwthangjak anw.

⁷Kaitor bini háyá kwtharo ahai hwnwi kók rw kha: “Ang bwkha srangwi Sekemno khaknai tei Sukotni harungno banta khlainai.

⁸Giliad ani, Manasebo ani; Ephraim ani sorkhokni khorok katijaknai; Juda khe ani habugra wngwi daginai.

⁹Moab ani yakung yak sújaknai dangai; Idomo ang ani yaklap sokoknai; Philistiano mechenwi ang kwplai wngnai.”

¹⁰Ano sabo kamiyung kwrago tlangnai? Sabo ano Idomo lama phunugui tlangnai?

¹¹O Kaitor, nwng chwngno khibi ya diba? O Kaitor nwngba chini sengkrakrok bai tha se tháng li ya.

¹²Chwngno chini kena arino kebengna bagwi chuba ja di, tamni hwn ba bororokni chubamung le kusu buya.

¹³Kaitorni chubamung bai chwng kwrak khe samung tangnai; bo se chini kena arirokno khiklai kádulnai. Digi-sigi klai tongnai borokni Tentaima