Read Kok Borok LOBMUNG 12 Bible Online

LOBMUNG 12 - Kok Borok bible

LOBMUNG 12

¹O Subraiyung chuba ja di, tamni hwn ba borok kahamrok kwma bai kha; Bororokni bisingni poito gwnang bororok kwmaui tháng bai kha.

²Bórok kók bandi bai bwkha dalnwi khe udru mudruni kók sa laiwi; khoroksa tei khoroksano tatal sa lai-o.

³Subraiyung kók bandi sanairokni bwslai bai kók kotor sanaini bwslai rasu-ui khibi thung,

⁴bórok hai hwnwi sa-o, “Chini bwslai bai chwng kwplai wngnai; chini bwslai chini se sabo le chini bubagra ba?

⁵“Kwrwirok kusupjak kha, bigrarok kengaimani, ang tabuk bachanai” hwnwi Subraiyung sa-o; “Ang bórokno bórok kirina kwrwi tongthai-o tongna khatung thani tonnai.”

⁶Subraiyungni swmairok khe, srai-srai swmai, rukphaino ha-o khe hór bai sógwi teibo kaham khlaijago, abo hai khe uáisni khlaijago.

⁷O Subraiyung nwng se chwngno kati rwnai; kusung kusungo chwngno o molni bororokni yakni mol brúmo mwrwgwi tongnai.

⁸Bororok samung hamyarokno lobsa khe, borok hamyarok ayang uyang himgurungo. Rwchapmung tẃitherna bagwi Daudni rwchapmung