Read Kok Borok LOBMUNG 127 Bible Online

LOBMUNG 127 - Kok Borok bible

LOBMUNG 127

¹Subraiyung nok tisa ya khe, tangnaisani samung tangma le ahai’-no chúk ya se. Subraiyung kamiyungno mwrwk ya khe kamiyung mwrwknaisa mwrwkma ahai’-no chúk ya se.

²Norok ereng-ereng se ui-ui khe chámung ajina bagwi phung aidrobo bacha lai-o tei hor thugwi thu lai-o; tamo khe bo bini hamjakmano muktrwi rw-o.

³Bwsa-bẃtẃirok Subraiyungni aroni manthai bwthái se, okni bwthái le bini sokat se.

⁴Siklasani bwsarok sengkrakni yakni chakhlarok hai se.

⁵Chakhla bokhokno kupulung khe tonnairok hamchajak. Bo bini kena arirok bai kamiyungni duglam kotor tong thani bórok bai kók sa lai phuru lachimasingcha wngna nang glak.