Read Kok Borok LOBMUNG 138 Bible Online

LOBMUNG 138 - Kok Borok bible

LOBMUNG 138

¹O Subraiyung bwkha rw súgwi ang nono lobnai; mwtairokni bwskango ang nono lobnai;

²Ang nini nokthar phaising khorok bomnai tei nini pái phlai ya hamjakma tei nini kók narwkmarokni bagwi nini mungno hambai rwnai; tamni hwn ba nwng nini mungno tei nini kókno bebakni slái kuchuk khlai kha.

³Ang nono ring khe nwng abono khna kha, nwng bwkhano rak rw kha.

⁴O Subraiyung, hani bebak bugrarok’-no nini khukni kókrok khnaui nono lobnai.

⁵Bórok Subraiyungni samungrokno nugwi rwchap anw, tamni hwn ba Subraiyungni chẃngsacha wng kha kotor.

⁶Subraiyung le kuchuk hai phano bo koinenerokno naikhlai-o; tamo khe bo kung chuknairok bai khe hakchal khe tongo.

⁷Ang jwngjal tẃi himwi tong phurubo nwng ano kebengnai arirokni jolimani yakni kati rw kha; nwng nini yak pholok kha tei nini yagra yak ano mwthango.

⁸Subraiyung ani bagwi khlainani chongmano khlainai, o Subraiyung nini pái phlai ya hamjakma mol brúm brúmno tong phlai-o. Nini yak bai snamjak ano ta khibi ja di. Daudni