Read Kok Borok LOBMUNG 20 Bible Online

LOBMUNG 20 - Kok Borok bible

LOBMUNG 20

¹Nini digi-sigi phuru Subraiyung nini koimano khna-o! Jakobni Kaitorni mung nono kati rwnai!

²Kwthar háyá-o tongwi bo chuba chu rohor thung, tei Siyono tongwi phan rohor thung.

³Bo nini barokmano muitu khlai thung tei ratharwi sógwi barokmano yachak thung.

⁴Bo nini bwkha muchungmano cha rw thung, tei nini chapmarok cha bai thung.

⁵Nwng kwplai wngma bagwi chwng ma tongthok thung, tei Kaitorni mung bai chini banano tisanai. Kaitor nini koimarokno khna thung.

⁶Ang tabuk si kha Kaitor bini chongthar chongjak borokno kati rw-o; bo bini yagra yakni phan bai bini chuknoha kwtharo tongwi bini kókno khnanai.

⁷Baksa khe ba chobani korai malkhungrokno; tei baksaba korairokno tẃiwi kung chugo, tamo khe chini kung chukna le Subraiyung Kaitorni mungno tẃiwi se.

⁸Bórok báikhrubwi klai-o, tamo khe chwng thong thong khe bacha sa-o.

⁹Ha bugrano kwplai khlai ja di, o Subraiyung chwng ring phuru khna ja di. Rwchapmung tẃithernaini bagwi Daudni rwchapmung.