Read Kok Borok LOBMUNG 32 Bible Online

LOBMUNG 32 - Kok Borok bible

LOBMUNG 32

¹Sumsok nakarjaknai borokrok hamchajak; bórokni bebak sumsokrok kholopjagwi pái kha.

²Subraiyung bai samung hamyarokni majrarok kwrwi kha hwnwi sa khlaijaknairok khakchangjak, bórokni bwkha-o bandimung kwrwi.

³Ang siring siring tong phuru ani mang sapung kengaiwi máng belwi tháng kha.

⁴Tamoni hwn ba hor-sal nini yak ani saka-o hiligwi tongmani; ani phan sachlang jorani tungphlama bai ransa tẃi khe ransa kha. Sela

⁵Hakhe ang nini thani ani sumsokno gosi kha, tei ani samung hamyanobo huiwi ton li ya; Ang hai hwnwi sa kha, “Ang Subraiyungni thani ani cha yano gosinai,” hakhe nwng ani cha ya sumsokno nakar kha. Sela

⁶Aboni bagwi joto kók narwknairok nini thani suri thung; birman nangwi phai phuru twi kotor lomsaui phaimani abo bini thani sók phai glak.

⁷Nwng se ani huijak thai; nwng ano birman nang phuru kati rwui tono; nwng phiyókmungni rwchapmung bai ano kitingwi tono. Sela

⁸Ang nono phrwngnai tei nini himna lamano phunuknai; ang mokol kaiwi nono tẃinai.

⁹Korai eba korai chirka hai buj kwrwi ta wng di, bórokni thamchino jing eba sorduk bai se buj ma khlai-o, ahai ya khe bo nini samo tong glak.

¹⁰Borok hamyarok kwbángma hamya manjago phiya ba Subraiyungni thani bwkha beranairokno khe pái phlai ya hamjakmung kitingwi tono.

¹¹O borok kahamrok Subraiyungno tẃiwi bwkha srang di tei tongthok di, o bwkha sutrangrok norok tongthogwi chirik lai di.