Read Kok Borok LOBMUNG 4 Bible Online

LOBMUNG 4 - Kok Borok bible

LOBMUNG 4

¹Ang ring phuru khna ja di, o ani Kaitor kahamsa! Ang birmano klai phuru nwng ano tongthai khotol rw kha. Ano khairok ja di, ani surima khna ja di.

²O bororok, tei bwswk norok ani mwkhang sók sinai? tei bwswk norok kók nang nung yarokno hamjaksinai tei bwswk tatalni utung utung wng sinai? Sela

³Phiya norok si di, Subraiyung borok kahamno bini bagwi khagwi ton kha; Subraiyungno ang ring phuru khe bo abono khna-o.

⁴ Thamchi tungjak phano sumsok ta khlai di; nini thuyamo siring siring khe uansugwi tong di tei siringcha wng di. Sela

⁵Sóino barok di, phiya Subraiyungni thani nini bwkha bera di.

⁶Borok kwbángmano hai hwnwi sa lai-o, “Chwng mungsa swk kahamno nuk khe ham kha mun! O Subraiyung, nini mwkhangni pohor chini thani chẃng si thung!”

⁷Nwng ani khápango, maichlamrok angur bwtwirok bángmani slái kwbángma tongthokma rw kha.

⁸Ang khakchangma gwnang khe rokonai tei muktrwi thángnai; tamoni hwnma le o Subraiyung, nwng simi se ano kwchang kwchang khe roko rw-o. Rwchapmung tẃithernai bokhorokni bagwi sumui bai khe Daudni rwchapmung