Read Kok Borok LOBMUNG 5 Bible Online

LOBMUNG 5 - Kok Borok bible

LOBMUNG 5

¹O Subraiyung, ani kókrokno khunju kai ja di; ani koimano khna ja si di.

²Ani bugra, ani Kaitor, ang chubamung sanwi ringmano khna ja di, tamoni hwn ba nini thani ang Suri ja-o.

³Phung aisirisiri nwng ani khorangno khna ja di O Subraiyung; aisirisiri ani koimungrokno nono koiwi abono khatungwi naising tong ja-o.

⁴Tamoni hwn khe nwng le hamyano chajaknai Kaitor ya; hamya nini thani tongwi man ya.

⁵Kung chuknairok nini mokol bwskango bachaui man ya; samung hamya tangnairokno nwng naisler jago.

⁶Tatal sanairokno Nwng sokomoro; Subraiyung, thẃi kochok rwnai bai beloknairokno selengjago.

⁷Phiya ang le nini pái phlai ya hamjakma bai se nini nogo phainai, kirima chaui ang nini nokthar bwkhak khulumnai.

⁸O Subraiyung, nini kaham bai, ani kena arirokni bising tẃi ano yak tolwi tẃi ja di, nini lamano ani mokolo kepleng khlai ja di.

⁹Tamoni hwn ba bórokni búkhúgo kók kubui kwrwi; bórokni bwkha-o sokomornani máng uansugo; bórokni totrarok mangkhor kholopjak ya hai; bórok bórokni kók bai bandi-o.

¹⁰O Kaitor, bórokno majra ber si di; bórokni kók bai’-no khiklai di. bórokni khẃio’-no bórokno kwcha rw di; bórokni cha ya báng sukma bagwi bórokno rwkhlaiwi rohor si di, tamni hwn ba bórok nono kebengwi bacha kha.

¹¹Nini thani bwkha beranairok khe tongthok thung; tongthokma bai bórok rwchap phlai máng tong thung. Nini kati rwmung bai bórokno khobwi ton di, hakhe nono hamjaknairok nini mung bai nini thani tongthok thung.

¹²Tamoni hwn ba o Subraiyung, nwng kahamno hamari rw kha; bórokno hamjagwi phui bai kati rw tẃi khe kati rwui ton kha. Rwchapmung tẃithernai bokhorokni bagwi buduk bai tamjaknai bai khe Daudni rwchapmung