Read Kok Borok LOBMUNG 53 Bible Online

LOBMUNG 53 - Kok Borok bible

LOBMUNG 53

¹Butuasa bwkha bising bising “Kaitor hwnwi kwrwi” hwnwi sa-o. Bórok borok hamya, selengmasingcha samung hamya khlai-o; oro khoroksa phano samung kaham tangnai kwrwi.

²Kaitor chuknoha-o tong twtwi bororokno naikhlai naiwi khoroksa phano sinai tei Kaitorno naituknai to de tong naikhlai nai kha.

³Bórok bebakno lama koró bai kha, bebakno selengmasingcha wng bai kha; khoroksa phano samung kaham tangnai kwrwi kha, katswi khoroksa phano ya.

⁴Samung hamya tangnairok bórok mai chá tẃi khe ani bororokno monok bai kha, bórokba si li ya gwja da, Kaitorno ringna si li ya da?

⁵Bórok aro kiriui ma tongnai, abo hai uáisa phano kirimasingcha wng ya kho. Tamoni hwn ba Kaitor borok hamyarokni bekrengrokno saharnai; bórok lachimasingcha-o klainai, tamni hwn ba bórok Kaitorno khibi kha.

⁶Israilni mwthangma Siyonni phai thung! Kaitor bini bororokno khajagwi tongmani phiyók phuru khe Jakob bwkha srangnai tei Israilrok tongthok lainai. Jiphit Solni aro thángwi “Daud rwchapmung chini palo se huijagwi tongo” hwnwi saui phuru rwchapmung tẃithernaisani banta: Daudni surimung