Read Kok Borok LOBMUNG 60 Bible Online

LOBMUNG 60 - Kok Borok bible

LOBMUNG 60

¹[17] O Kaitor nwng chwngno khibi kha, chini katijaknairokno swbai kha; nwng joliui tong kha; tabuk chwngno mwthang phi si di!

²Nwng o hano jangri kha; tei kekhok kha; o kekhokmarokno muthup si di tamni hwn ba o ha pái súgwi thángnai kha.

³Nwng nini bororokno belai khe manjak rw kha; nwng chwngno angur bwtwi khan rwmani bagwi phegwi ninang-chichong wng kha.

⁴Nono kiriui tongnairokno nwng kangsa bana rw kha, abo bai bo badukhung bai kokjaknani aroni khárwi mannai.

⁵Nini yagra yak bai ano kwplai khlai di, tei sanmano khna di, hakhe nono hamjaknairok mwthangjak thung.

⁶Kaitor bini háyá-o tongwi kók rw kha: “Bwkha srangwi, ang Sekemno khaknai, tei Sukotni harungno sunai.

⁷Giliad ani, Manase bo ani borok; Ephraim ani khorok katijaknai; Juda khe ani bugrani dagimung rwnaisa.

⁸Moab khe ani yakung-yak sújaknai dangai; Idom khe ani yaklapno sokoknai; O Philistiano mechenwi ang chiriknai.”

⁹Sabo ano u kamiyungni kwrago tubunai? Sabo ano Idomo soui tlangnai?

¹⁰O Kaitor nwng chwngno khibi ya da? O Kaitor, nwng chini sengkrakrok bai baksa tháng ya da?

¹¹Kebengnai arirokno kebengwi bachana phan rw ja di, tamni hwn ba borokni chubamung le mungsa chúk ya se.

¹²Kaitorni bising tẃi chwng kwplai khe tongnai; bo se chini kebengnai arirokno kádulo. Rwchapmung tẃithernaini bagwi Daudni rwchapmung: Buduk gwnang tammung tamwi