Read Kok Borok LOBMUNG 62 Bible Online

LOBMUNG 62 - Kok Borok bible

LOBMUNG 62

¹Kaitorni thani simi se ang siring siring khe naisingwi tongnai; tamni hwn ba bini aroni se ani mwthangjakmani phai-o.

²Bo simi se ani holongthai tei mwthangnaisa, bo se ano kati rwui tonnai nok kwrak; ang ninang glak.

³Borok khoroksano nwng tei bwswk swprak sinai? nwng bono tamo bukhrubwi da pái súk sinai? chokdeual báikhrupna naijak haino de nwng pái rwui khibinai?

⁴Bórokni naharmung le khoroksano sinimung bórom rwna simi se. Bórok tatal saui tongthok jago; bórok búkhúk bai simi ham di hwno yang bwkha bisingo khe swrai-o. Sela

⁵Tamoni hwn ba ang le Kaitorno simi se naisingo, tamni hwn ba ani khatungma le bini thani simi se.

⁶Bo simi se ani holongthai, mwthangnai, tei bo se ani katijaknai nok kwrak; ang ninang glak.

⁷Ani mwthangma bai chẃngsacha Kaitorni aroni se; bo se ani phankrak holongthai, Kaitor se ani katijaknai nok kwrak.

⁸O bororok, sal brúm brúmno bono poito khlai tong di; nini bwkhano bini thani khukhlawi rw di; Kaitor se chini katijaknai nok kwrak. Sela

⁹Bigrarokbo ahai’-no nokbar bai baksa se, gwnangrokbo ahai’-no chúk ya se; bórokno rwta phuru khe bórok hiliksa-o; bórok kwnwi’-no baksa khe nauibo bórok nokbarni slái se heleng.

¹⁰Buini sekproui hamna chanano ta khatung di, abo tẃi khe buino segwi gwnang wngnani ta khatung di; tumung nwng rang-rí bángsaui phai khe aro bwkha ta bera di.

¹¹Kaitor uáisa sa kha; ang abono uáinwi khna kha: bebak suar Kaitorni se,

¹²O Subraiyung pái phlai ya hamjakma le nini se. Tamoni hwn ba nwng’-no bebak bororokno bórokni samung tangma tẃi yagul su-o. Daud Judiani hasinglwngo tongwi phuruni rwchapmung